মুম্বাইত ডিজাইনাৰ বিক্ৰম ফাদনভিছৰ গ্ৰেণ্ড ফেশ্বন শ্ব’ৰ শ্ব’ষ্টপাৰ হিচাপে ছলমান খানে এনে দৰে মুহিলে যেসমগ্ৰ হলটো হাতচাপৰিৰে ৰজনজনাই তুলিলে। ক’লা শ্বেৰৱানী পিন্ধা তেওঁৰ ৰাজকীয় চাৱনিটো আছিল এক অনন্য দৃশ্য। তেওঁৰ প্ৰৱেশে নিমিষতে পৰিৱেশটো ৰূপান্তৰিত কৰি দৰ্শকক মোহিত কৰি তুলিলে।
সুষ্মিতা সেনৰ এই প্ৰতিক্ৰিয়া এক আলোকপাত হৈ পৰিল:
ৰেম্পত ছলমানক দেখি তেওঁৰ বন্ধু তথা প্ৰাক্তন সহ অভিনেত্ৰী সুষমিতা সেন নিজকে ধৰি ৰাখিব নোৱাৰিলে। বহাৰ পৰা থিয় হৈ তাই হাত চাপৰি বজাবলৈ ধৰিলে। ছলমানে হাঁহি এটা মাৰি তাইৰ ফালে হাতখন আগবঢ়াই দিলে, তাইক মঞ্চলৈ নিমন্ত্ৰণ জনাই। সুষমিতাই মঞ্চত আহি ছলমানক সাৱটি ধৰিলে, সেই মুহূৰ্তটো স্মৰণীয় কৰি তুলিলে। এই ভিডিঅ’টো এতিয়া দ্ৰুতগতিত ভাইৰেল হৈ পৰিছে ছ’চিয়েল মিডিয়াত।
বিক্ৰম ফাদনবিছৰ ৩৫ বছৰ উদযাপনঃ
বিক্ৰম ফাদনবিছৰ ফেশ্বন উদ্যোগত ৩৫ বছৰ সম্পূৰ্ণ হোৱাৰ উপলক্ষে আয়োজন কৰা এই অনুষ্ঠানটো। শ্ব'টোৰ থিম আছিল ভিনটেজ ইণ্ডিয়া, য'ত পৰম্পৰাগত ভাৰতীয় শিল্প আৰু কাৰুকাৰ্য্যক সুন্দৰকৈ প্ৰদৰ্শন কৰা হৈছিল। প্ৰায় ১০০ গৰাকী মডেলে অংশগ্ৰহণ কৰে। এই গ্লেমাৰাছ সন্ধিয়াত বহু পৰিচিত ব্যক্তি উপস্থিত আছিল। জয়া বচ্চন আৰু শ্বেতা বচ্চনে দৰ্শকৰ মাজত বহি দৰ্শনীয় অভিনয় উপভোগ কৰি আছিল। অভিনেত্ৰী বিপাশা বসুৱেও ছলমানৰ ৰেম্প ৱাকৰ ভিডিঅ’ তেওঁৰ ছ’চিয়েল মিডিয়াত শ্বেয়াৰ কৰে।
ফেশ্বন শ্ব’ৰ সময়ত ছলমানৰ আশে-পাশে কটকটীয়া নিৰাপত্তাৰ ব্যৱস্থা কৰা হৈছিল। ৰেম্পৰ সমীপতে কেইবাজনো নিৰাপত্তাৰক্ষী থিতাপি লৈছিল।
हिन्दुस्थान समाचार
