তিৰুৱনন্তপুৰম, ১৪ অক্টোবৰ (হি.স.)। ভাৰতৰ তাৰকা উইকেটকীপাৰ বেটছমেন সঞ্জু চেমছনৰ ৰঞ্জী ট্ৰফীলৈ ঘূৰি অহাৰ লগে লগে কেৰালা ক্ৰিকেটলৈ এক নতুন উত্তেজনা আৰু প্ৰত্যাশাৰ জোৱাৰ। প্ৰায় এবছৰৰ পিছত পুনৰ ৰেডবল ক্ৰিকেটত যোগদান কৰিব। ২০২৫–২৬ বৰ্ষৰ ৰঞ্জি ট্ৰফী ছিজনৰ প্ৰথমখন মেচ কেৰালাই ১৫ অক্টোবৰত মহাৰাষ্ট্ৰৰ বিৰুদ্ধে খেলিব, আৰু চেমছনৰ উভতি অহাটো মেচখনৰ এক ডাঙৰ আলোকপাত হ’ব।

সঞ্জু চেমছনে শেষবাৰৰ বাবে যোৱা বছৰ কৰ্ণাটকৰ বিৰুদ্ধে প্ৰথম শ্ৰেণীৰ খেল খেলিছিল। বিগত এবছৰ ধৰি তেওঁ মূলতঃ টি-২০ আৰু এদিনীয়া ফৰ্মেটত মনোনিৱেশ কৰি আহিছে, ৰাজস্থান ৰয়েলছৰ অধিনায়কত্বৰ লগতে ভাৰতীয় টি-২০ দলৰ অংশও আছিল। এতিয়া, তেওঁ আকৌ এবাৰ কেৰালাৰ বগা ৰঙৰ কাপোৰ পিন্ধিব। এই ছিজনত কেৰালাৰ অধিনায়ক হ’ব মহম্মদ আজহাৰুদ্দিন, ভাইচ অধিনায়ক হিচাপে বাবা অপৰাজিথে। দল পৰিচালনা সমিতিয়েও চেমছনক মুক্ত হাত দি ৰাষ্ট্ৰীয় দলত তেওঁৰ আগন্তুক নিৰ্বাচনৰ প্ৰতি লক্ষ্য ৰাখিছে।

সঞ্জুৰ উভতি অহাটো ক্ৰিকেটৰ বাহিৰেও এক আৱেগিক মুহূৰ্ত। বিগত বছৰ কেৰেলা ক্ৰিকেট সন্থাৰ সৈতে তেওঁৰ সংঘাতই শিৰোনাম দখল কৰিছিল। বিজয় হাজাৰে ট্ৰফী দলৰ পৰা তেওঁক বাদ দিয়াৰ পিছত বিতৰ্ক আৰু গভীৰ হৈ পৰে।

তেওঁৰ পিতৃয়ে কেচিএক পক্ষপাতিত্বৰ অভিযোগ উত্থাপন কৰে, আৰু ৰাজনৈতিক নেতা শশী থাৰুৰেও এই বিষয়ত প্ৰশ্ন উত্থাপন কৰে। অনুশাসনহীনতাৰ কথা উল্লেখ কৰি কেচিএই নিজৰ সিদ্ধান্তৰ পক্ষ লয়। এই বিতৰ্কই চেমছনৰ বাবে অসুবিধাৰ সৃষ্টি কৰাই নহয় কেৰালাৰ ঘৰুৱা দলটোকো প্ৰভাৱিত কৰিছিল। কেৰালা ক্ৰিকেট লীগত তেওঁৰ আকৰ্ষণীয় প্ৰদৰ্শনৰ পিছত চেমছন আৰু এছ’চিয়েশ্যনৰ মাজত বিভাজন কমি অহা যেন দেখা গ’ল। ৰঞ্জী দললৈ তেওঁৰ উভতি অহাটোক এক প্ৰকাৰৰ নতুন আৰম্ভণি হিচাপে দেখা গৈছে— প্ৰতিভা আৰু পৰিচালনাৰ মাজত মিলনৰ আভাস।

এই ছিজনৰ আৰম্ভণিতে দলটোৰ সৈতে থাকিব চেমছনে আৰু তাৰ পিছত ২৯ অক্টোবৰৰ পৰা আৰম্ভ হ’বলগীয়া ভাৰত-অষ্ট্ৰেলিয়া টি-২০ শৃংখলাৰ বাবে ৰাষ্ট্ৰীয় দলত যোগদান কৰিব।ইফালে মহাৰাষ্ট্ৰৰ বিৰুদ্ধে তেওঁৰ প্ৰথমখন মেচ প্ৰায় নিশ্চিত বুলি বিবেচিত হৈছে।

দল পৰিচালনা সমিতিয়ে আশা কৰিছে যে চেমছনৰ উপস্থিতিয়ে ড্ৰেছিং ৰুমত আত্মবিশ্বাস আৰু শক্তি দুয়োটা বৃদ্ধি কৰিব। যোৱা ছিজনত কেৰালাই উজ্জ্বল প্ৰদৰ্শন আগবঢ়াইছিল, ফাইনেলত প্ৰৱেশ কৰিছিল, আৰু এইবাৰ দলটোৱে ট্ৰফী জয়ৰ সপোন দেখিছে।

हिन्दुस्थान समाचार / আলোক চক্ৰৱৰ্তী