নতুন দিল্লী, ১৫ অক্টোবৰ (হি.স.)। যুৱ পৰিক্ৰমা আৰু ক্ৰীড়া মন্ত্ৰালয়ে ৰাষ্ট্ৰীয় ক্ৰীড়া প্ৰশাসন আইন, ২০২৫ৰ অধীনত তিনিটা মূল খচৰা নিয়মৰ ওপৰত জনসাধাৰণ আৰু অংশীদাৰসকলৰ পৰা পৰামৰ্শ আৰু মন্তব্য আমন্ত্ৰণ জনাইছে।

ইয়াৰ ভিতৰত আছে:

১/ ৰাষ্ট্ৰীয় ক্ৰীড়া প্ৰশাসন (ৰাষ্ট্ৰীয় ক্ৰীড়া সংস্থা)ৰ নিয়ম

২/ ৰাষ্ট্ৰীয় ক্ৰীড়া প্ৰশাসন (ৰাষ্ট্ৰীয় ক্ৰীড়া ব’ৰ্ড)ৰ নিয়ম

৩/ ৰাষ্ট্ৰীয় ক্ৰীড়া প্ৰশাসন (ৰাষ্ট্ৰীয় ক্ৰীড়া ন্যায়াধিকৰণ)ৰ নিয়ম

এই আইনখন ২০২৫ চনৰ ১১ আগষ্টত লোকসভাত, আৰু ২০২৫ চনৰ ১২ আগষ্টত ৰাজ্যসভাত গৃহীত হয়।১৮ আগষ্টত ৰাষ্ট্ৰপতিৰ সন্মতিৰ পিছত এই আইনখন গেজেটত অৱগত কৰা হয়। এই আইনখনৰ লক্ষ্য হৈছে ক্ৰীড়া সংস্থাসমূহৰ প্ৰশাসনত স্বচ্ছতা অনা, খেলুৱৈসকলৰ স্বাৰ্থ সুৰক্ষিত কৰা, আৰু দেশত ক্ৰীড়াৰ শাসন আৰু প্ৰসাৰৰ বাবে এক শক্তিশালী কাঠামো গঢ়ি তোলা।

খচৰা নিয়মৰ মূল বৈশিষ্ট্যসমূহ:

১/ ৰাষ্ট্ৰীয় ক্ৰীড়া সংস্থাৰ নিয়ম:

-অসাধাৰণ প্ৰতিভা থকা খেলুৱৈসকলক অন্তৰ্ভুক্ত কৰাৰ ব্যৱস্থা।

-সাধাৰণ সংস্থা আৰু কাৰ্যনিৰ্বাহক সমিতিৰ গঠন নিৰ্ধাৰণ কৰা।

-সদস্যৰ নিৰ্বাচন প্ৰক্ৰিয়া আৰু অযোগ্যতাৰ মাপকাঠী।

-ৰাষ্ট্ৰীয় ক্ৰীড়া নিৰ্বাচনী পেনেলৰ সংবিধান।

-সংযুক্ত ইউনিটসমূহৰ পঞ্জীয়ন আৰু সময়ে সময়ে আপডেট কৰাৰ পদ্ধতি।

২/ ৰাষ্ট্ৰীয় ক্ৰীড়া ব’ৰ্ডৰ নিয়ম:

-ব'ৰ্ডৰ গঠন আৰু কাৰ্য্যসমূহৰ সংজ্ঞা নিৰ্ধাৰণ কৰা।

-অন্বেষণ-সহ-নিৰ্বাচন সমিতিৰ সংবিধান।

-অধ্যক্ষ আৰু সদস্যসকলৰ বাবে নিযুক্তি প্ৰক্ৰিয়া।

-কৰ্মচাৰীৰ ব্যৱস্থা আৰু বিশেষ পৰিস্থিতিত কেন্দ্ৰীয় চৰকাৰৰ দ্বাৰা ৰেহাইৰ ব্যৱস্থা।

৩/ ৰাষ্ট্ৰীয় ক্ৰীড়া ন্যায়াধিকৰণৰ নিয়ম:

-ট্ৰিবিউনেলৰ প্ৰতিষ্ঠানিক গাঁথনি নিৰ্ধাৰণ কৰা।

-অধ্যক্ষ, সদস্য, আৰু কৰ্মচাৰীৰ নিযুক্তি, কাৰ্যকাল, আৰু সেৱাৰ চৰ্ত।

-ক্ৰীড়া বিবাদৰ ক্ষিপ্ৰ সমাধানৰ বাবে ক্ষমতা আৰু পদ্ধতি নিৰ্ধাৰণ কৰা।

জনসাধাৰণৰ পৰা আমন্ত্ৰিত পৰামৰ্শ

মন্ত্ৰালয়ে ৩০ দিনৰ ভিতৰত এই খচৰা নিয়মৰ সন্দৰ্ভত জনসাধাৰণ আৰু অংশীদাৰসকলৰ পৰা মতামত বিচাৰিছে। ইচ্ছুক ব্যক্তিসকলে নতুন দিল্লীৰ লোধি ৰোডৰ জৱাহৰলাল নেহৰু ষ্টেডিয়ামৰ ১০৩ নং হল সঞ্চালক (শাসন ১), বা rules-nsga2025@sports.gov.in ইমেইলযোগে নিজৰ মন্তব্য ডাকযোগে জমা দিব পাৰে। মন্তব্য প্ৰেৰণৰ শেষ তাৰিখ হৈছে ১৪ নৱেম্বৰ, ২০২৫ ।

हिन्दुस्थान समाचार