–কেৰিবিয়ান দলত ভাৰতে আধিপত্য বিস্তাৰ কৰি ২৭খন মেচত অপৰাজিত হোৱাৰ লগতে একেৰাহে ১০খন শৃংখলাত জয়লাভ কৰাৰ বিপৰীতে ৰষ্টন চেজৰ অধিনায়কত্বত পৰাজয়ৰ ধাৰা অব্যাহত

নতুন দিল্লী, ১৪ অক্টোবৰ (হি.স.)। ক্ৰিকেটৰ ইতিহাসত খোদিত হোৱা ৱেষ্ট ইণ্ডিজৰ বিৰুদ্ধে ভাৰতীয় টেষ্ট দলটোৱে আধিপত্যৰ অভিলেখ গঢ়ি তুলিছে। বিগত দুটা দশকত ভাৰতে কেৱল মেচত অপৰাজিত হৈ থকাই নহয়, ধাৰাবাহিকভাৱে শৃংখলা আৰু ঘৰুৱা জয়ৰ ধাৰা বজাই ৰাখিছে।

-২৭খন টেষ্টত অপৰাজিত ধাৰাবাহিকতা

২০০২ চনৰ পৰা ২৭খন টেষ্টত ৱেষ্ট ইণ্ডিজৰ বিৰুদ্ধে অপৰাজিত ধাৰাবাহিকতাৰ অভিলেখ অক্ষুণ্ণ ৰাখিছে ভাৰতে। বিশ্বৰ যিকোনো দলৰ বিৰুদ্ধে এয়া চতুৰ্থ দীঘলীয়া অপৰাজিত ধাৰা।

ইংলেণ্ড বনাম নিউজিলেণ্ড — ৪৭খন মেচ (১৯৩০–৭৫)

ইংলেণ্ড বনাম পাকিস্তান — ৩০খন মেচ (১৯৬১–৮২)

ৱেষ্ট ইণ্ডিজ বনাম ইংলেণ্ড — ২৯খন মেচ (১৯৭৬–৮৮)

ভাৰত বনাম ৱেষ্ট ইণ্ডিজ — ২৭খন মেচ (২০০২–২০২৩)*

একেৰাহে ১০ খন ছিৰিজ জয়ৰ সোণালী অভিলেখ

২০০২ চনৰ পৰা ২০২৫ চনলৈ ভাৰতে ৱেষ্ট ইণ্ডিজৰ বিৰুদ্ধে একেৰাহে ১০ খন টেষ্ট শৃংখলা জয় কৰিছে।এই অভিলেখ দক্ষিণ আফ্ৰিকাৰ সমান, আৰু অষ্ট্ৰেলিয়াই ৯ খন শৃংখলা জয়ৰে তৃতীয় স্থানত আছে।

ভাৰত বনাম ৱেষ্ট ইণ্ডিজ — ১০ (২০০২–২৫)*

দক্ষিণ আফ্ৰিকা বনাম ৱেষ্ট ইণ্ডিজ — ১০ (১৯৯৮–২৪)

অষ্ট্ৰেলিয়া বনাম ৱেষ্ট ইণ্ডিজ — ৯ (২০০০–২২)

ভাৰতত একেৰাহে সৰ্বাধিক পৰাজয় ৱেষ্ট ইণ্ডিজৰ

ভাৰতত বিদেশী দলৰ হাতত একেৰাহে সৰ্বাধিক পৰাজয়ৰ অভিলেখ অষ্ট্ৰেলিয়াৰ হাতত আছে — ৭টা পৰাজয় (২০০৮–১৩)। ৱেষ্ট ইণ্ডিজেও এই তালিকাত যোগদান কৰিছে, ২০১৩ চনৰ পৰা ২০২৫ চনলৈকে ভাৰতত একেৰাহে ছখন টেষ্ট মেচত পৰাস্ত হৈছে।

অষ্ট্ৰেলিয়া — ৭ (২০০৮–১৩)

শ্ৰীলংকা — ৬ (১৯৮৬–৯৪)

নিউজিলেণ্ড — ৬ (২০১০–১৬)

ৱেষ্ট ইণ্ডিজ — ৬ (২০১৩–২৫)*

এই পৰাজয়ৰ ধাৰা আৰম্ভ হৈছিল যেতিয়া ডেৰেন ছেমী অধিনায়ক আছিল—আৰু এতিয়া তেওঁ দলটোৰ প্ৰশিক্ষক।

এসময়ত ৱেষ্ট ইণ্ডিজৰ আধিপত্য, এতিয়া ভাৰতৰ যুগ

১৯৪৮ চনৰ পৰা ১৯৭১ চনলৈকে ৱেষ্ট ইণ্ডিজে ভাৰতত আধিপত্য বিস্তাৰ কৰিছিল, ২৪খন মেচত অপৰাজিত হৈ আছিল। কিন্তু সময় সম্পূৰ্ণ সলনি হৈছে। ঘৰুৱা ক্ষেত্ৰত অজেয় ভাৰত আৰু ৱেষ্ট ইণ্ডিজৰ বিৰুদ্ধে অভিলেখ গঢ়িছে।

ৰষ্টন চেজৰ অবাঞ্চিত অভিলেখ

ৱেষ্ট ইণ্ডিজৰ অধিনায়ক ৰষ্টন চেজে অধিনায়কত্বৰ কেৰিয়াৰৰ আৰম্ভণিতে এক কঠিন পৰ্যায়ৰ সন্মুখীন হৈছে। প্ৰথম পাঁচখন টেষ্ট মেচত পৰাস্ত হোৱা তেওঁ মাত্ৰ দ্বিতীয়জন অধিনায়ক। ইয়াৰ পূৰ্বে এই অভিলেখ আছিল ক্ৰেইগ ব্ৰাথৱেইটৰ।

हिन्दुस्थान समाचार / মনোজ কুমাৰ শইকীয়া