কাঠমাণ্ডু, ০৪ আগষ্ট (হি.স.)। নেপালৰ সুনছাৰি জিলাৰ কাপটাংগাঞ্জত গুলীচালনাত আহত ২২ বছৰীয়া ৰবীন্দ্ৰ মেহতাৰ মৃত্যু। ইয়াৰ ফলত যোৱা সপ্তাহত সংঘটিত সাম্প্ৰদায়িক দাঙ্গাত মৃত্যু হোৱা লোকৰ সংখ্যা চাৰিজনলৈ বৃদ্ধি পাইছে।
নেপাল আৰক্ষীয়ে জনোৱা মতে, মহাৰাজগঞ্জৰ টি ইউ টিচিং হস্পিতালত চিকিৎসাধীন হৈ থকা সুনছাৰি জিলাৰ কাপটাংগাঞ্জত সংঘটিত গুলীচালনাৰ ঘটনাৰ লগে লগে মেহতাক চিকিৎসাৰ বাবে কাঠমাণ্ডুলৈ অনা হয়।
কাঠমাণ্ডু আৰক্ষীৰ মুখপাত্ৰ এছ পি ডান বাহাদুৰ থাপাৰ তথ্য অনুসৰি মঙলবাৰে পুৱা ১১:৩০ বজাত চিকিৎসকে তেওঁক মৃত ঘোষণা কৰে। তেওঁৰ শৰীৰত গুলী লাগিছিল। সংকটজনক অৱস্থাৰ বাবে গুলীটো আঁতৰাব পৰা নাছিল ।
ইয়াৰ লগে লগে এই ঘটনাত মুঠ মৃত্যু হোৱা লোকৰ সংখ্যা চাৰিজনলৈ বৃদ্ধি পাইছে। এই মৃত্যুৰ খবৰৰ লগে লগে সমগ্ৰ সুনছাৰী জিলাত নিৰাপত্তা কটকটীয়া কৰা হৈছে। জিলাখনৰ প্ৰতিটো স্পৰ্শকাতৰ স্থানত সশস্ত্ৰ আৰক্ষী বাহিনী মোতায়েন কৰা হৈছে ।
-----------------
হিন্দুস্থান সমাচাৰ / অৰৱিন্দ
24 Aug 2026
