কাঠমাণ্ডু, ৩১ আগষ্ট (হি.স.)। নেপালৰ ৰসুৱাৰ ভোটেকোছি নদীত বানপানীৰ পাছত ৰাসুৱাগাধি জলবিদ্যুত প্ৰকল্পৰ সুৰংগত তালাচী চলোৱা নেপালী সেনা নেতৃত্বাধীন উদ্ধাৰকাৰী দলে কোনো জীৱিত বা হতাহতিৰ সন্ধান পোৱা নাই। ইয়াৰ পিছতে দলটো ঘূৰি আহে। প্ৰকল্পটোৱে সুৰংগটোৰ ভিতৰত ৯৩ জন লোক আবদ্ধ হৈ থকাৰ খবৰ দিছিল।

সুৰংগটোৰ অন্তিম অংশত আবদ্ধ লোকৰ সন্দেহৰ পিছত অভিযন্তা আৰু ড্ৰ’ন দলৰ সৈতে নেপালী সেনাৰ এটা দলে এই অনুসন্ধানত জড়িত হৈ পৰে। উদ্ধাৰকাৰী দলটোৱে সুৰংগটোৰ ভিতৰৰ অন্তিম স্থানত উপস্থিত হৈ ড্ৰ’ন ব্যৱহাৰ কৰি ব্যাপক অনুসন্ধান চলায় যদিও কোনো জীৱিত বা মৃতদেহৰ কোনো চিন পোৱা নগ’ল।

সুৰংগটোৰ ভিতৰত কোনো নাই বুলি নিশ্চিত কৰাৰ পিছত নেপালী সেনাই অনুসন্ধান অভিযান সমাপ্ত কৰি ৰাছুৱাৰ ধুনচেলৈ উভতি আহে। জলবিদ্যুৎ প্ৰকল্পটোৱে চৰকাৰক জনাইছিল যে ৯৩ জন লোক আবদ্ধ হৈ আছে। সুৰংগটোত কেইবাফুট ধ্বংসাৱশেষ জমা হোৱাৰ বাবে উদ্ধাৰ অভিযান যথেষ্ট কঠিন হৈ পৰিছিল।

হিন্দুস্থান সমাচাৰ / মনোজ কুমাৰ শইকীয়া