কোকৰাঝাৰ, ১৫ মে (হি.স.)। গোসাইগাঁও মহকুমাৰ সত্যপুৰ এম ই স্কুল খেল পথাৰত গোষ্ঠী সংঘৰ্ষত নিহত সকলক স্মৰণ কৰি শ্ৰদ্ধাঞ্জলি । ১৯৯৬ চনত সংঘটিত হোৱা গোষ্ঠী সংঘৰ্ষত নামনি অসমৰ বঙাইগাঁৱ,কোকৰাঝাৰ অবিভক্ত গোৱালপাৰা আৰু ধুবুৰীত জিলাত গোষ্ঠী সংঘৰ্ষৰ গইনা লৈ দুৰ্বৃত্তই ১৯৯৬ চনৰ ১৫ মে তাৰিখটো অৰ্থাৎ আজিৰ দিনটোত গাঁওখনৰ শিশু-মহিলা সহ বহু গৰাকী লোকক নিৰ্মমভাৱে হত্যা কৰিছিল ৷

তেতিয়াৰ পৰাই নিহত লোক সকলক আদিবাসী জনগোষ্ঠীয়ে শ্বহীদ বুলি ঘোষণা কৰি শ্ৰদ্ধাঞ্জলি জনাই আহিছে ৷ প্ৰতি বছৰৰ দৰে এইবেলিও সত্যপুৰত শ্ৰদ্ধা জনাই শ্ৰদ্ধাঞ্জলি অনুষ্ঠানৰ আয়োজন কৰি পুৱা পতাকা উত্তোলন কৰাৰ পাছত শ্বহীদ বেদীত মাল্যৰ্পণ কৰা হয় ৷

হিন্দুস্থান সমাচাৰ / কিশোৰ মিশ্ৰ