ধুবুৰী, ১৭ এপ্ৰিল (হি.স.)। ৰন্ধন গেছৰ পিছত এইবাৰ তেল ডিপো, তেল ডিপোয়ে দেখা দিছে ডিজেলৰ সংকট । ফলত হাহাকাৰ কৰিব লগীয়া হৈছে কৃষক তথা ডিজেল চালিত বাহনৰ গৰাকীয়ে । তামাৰহাটৰ হাতীধুৰাস্থিত তামাৰহাট গ্ৰাহক সেৱা কেন্দ্ৰ নামৰ তেল ডিপো লৈ নিতৌ ডিজেলৰ বাবে আহি উভতি যাবলগীয়া হৈছে গ্ৰাহক সকল ।
বিশেষকৈ ডিজেল চালিত পাম্পছেট মেচিনৰ সহায়ত ইৰি ধানৰ খেতি কৰা কৃষক সকলে পৰিছে বিপাঙত । ডিজেল অবিহনে খেতিপথাৰত যোগান ধৰিব পৰা পানী নাই । আনহাতে ট্ৰেক্টৰকে ধৰি ডিজেল চালিত বাহন চলাচল একপ্ৰকাৰ বন্ধ হৈ পৰিছে তামাৰহাট অঞ্চলত । ইপিনে উৰ্দ্ধতন কতৃপক্ষৰ পৰা ডিপো সমূহত কতৃপক্ষই পৰ্যাপ্ত পৰিমানে ডিজেলৰ যোগান নোপোৱাত গ্ৰাহকক যোগান ধৰিব পৰা নাই ডিজেলৰ । ইয়াৰ উপৰিও কৃষক সকলক অৰ্থাৎ কোনো ড্ৰাম জাতীয় পাত্ৰত ডিজেল যোগানৰ বাবে উৰ্দ্ধতন কতৃপক্ষই নিষেধজ্ঞা জাৰি কৰিছে ডিপো কতৃপক্ষক । ফলত খেতিপথাৰত পানী যোগান ধৰা মেচিনৰ বাবে ডিজেল বিচাৰি হাহাকাৰ কৰিব লগীয়া হৈছে ডিপো সমূহত ।
হিন্দুস্থান সমাচাৰ / কিশোৰ মিশ্ৰ
