পৰিচালক নিতেশ তিৱাৰীৰ বহু প্ৰত্যাশিত ছবি ‘ৰামায়ণ: ১ম খণ্ড’ৰ সন্দৰ্ভত এটা ডাঙৰ প্ৰকাশ পাইছে । ছবিখনত ‘ৰাৱণ’ৰ চৰিত্ৰত অভিনয় কৰা যশে প্ৰকাশ কৰিছে যে তেওঁ আৰু ‘ৰাম’ৰ চৰিত্ৰত অভিনয় কৰা ৰণবীৰ কাপুৰে প্ৰথম খণ্ডত মুখামুখি নহ’ব। এই তথ্যই ছবিখনৰ প্ৰতি দৰ্শকৰ কৌতুহল আৰু অধিক বৃদ্ধি কৰিছে।
শেহতীয়াকৈ এক সাক্ষাৎকাৰত যশে কয় যে ‘ৰামায়ণ’ দুটা ভাগত নিৰ্মাণ কৰা হৈছে, আৰু প্ৰথম খণ্ডত ৰাম আৰু ৰাৱণৰ কাহিনী বিভিন্ন জগতত উন্মোচিত হৈছে। তেওঁ বুজাই দিলে যে ৰাম যাত্ৰাত থকাৰ সময়ত ৰাৱণক নিজৰ ৰাজ্যত দেখুওৱা হ’ব। অৱশ্যে তেওঁ ৰণবীৰ কাপুৰক লগ পোৱা বুলিও স্পষ্ট কৰি দিয়ে যদিও ছবিখনৰ প্ৰথম খণ্ডত দুয়োজনে একেলগে পৰ্দা শ্বেয়াৰ নকৰে।
ৰণবীৰ কাপুৰক প্ৰশংসা কৰি যশে কয় যে তেওঁলোকৰ পাৰস্পৰিক সন্মান আৰু বুজাবুজি এই বৃহৎ প্ৰকল্পৰ শক্তি। তেওঁ কয় যে ৰামায়ণৰ দৰে অভিলাষী ছবিত সকলোৰে লক্ষ্য একেই: কাহিনীটো দৰ্শকৰ আগত ভৱিষ্যৎ আৰু প্ৰভাৱশালীভাৱে উপস্থাপন কৰা। গতিকে অভিনেতাসকলৰ মাজত সমন্বয় অতি গুৰুত্বপূৰ্ণ।
মন কৰিবলগীয়া যে ৰামায়ণ: ১ম খণ্ড প্ৰযোজনা কৰিছে নমিত মালহোত্ৰাই আৰু ২০২৬ চনৰ দীপাৱলীত মুক্তি পাব।চিনেমাখনৰ প্ৰথম আভাসে ইতিমধ্যে দৰ্শকক আপ্লুত কৰিছে, আৰু এতিয়া এই নতুন প্ৰকাশে দ্বিতীয় খণ্ডৰ প্ৰতি কৌতুহল বৃদ্ধি কৰাটো নিশ্চিত।
हिन्दुस्थान समाचार / মনোজ কুমাৰ শইকীয়া
