কাঠমাণ্ডু, ৩০ মাৰ্চ (হি.স.)। নেপাল চৰকাৰে সকলো বেটিং এপ আৰু ৱেবছাইট বন্ধ কৰাৰ নিৰ্দেশ দিছে। সুশাসন সংস্কাৰৰ বাবে মন্ত্ৰী পৰিষদৰ ১০০টা কাৰ্যসূচীৰ অংশ হিচাপে যোগাযোগ আৰু তথ্য প্ৰযুক্তি মন্ত্ৰালয়ে সকলো ইণ্টাৰনেট সেৱা প্ৰদানকাৰীক ২৪ ঘণ্টাৰ ভিতৰত এনে প্লেটফৰ্ম বন্ধ কৰিবলৈ নিৰ্দেশ দিছে।

মন্ত্ৰীৰ এই সিদ্ধান্তৰ পিছতে ইণ্টাৰনেট সেৱা প্ৰদানকাৰীৰ সমন্বয়ত নেপাল দূৰসংযোগ কৰ্তৃপক্ষই এতিয়ালৈকে চিনাক্ত কৰা সকলো পণ ছাইট আৰু এপ বন্ধ কৰি দিছে। মন্ত্ৰালয়ৰ মুখপাত্ৰ উদয় বাহাদুৰ ৰানামগৰৰ মতে, বাজিৰ প্ৰচাৰৰ বাবে পৰিচালনা, সংগঠন বা বিজ্ঞাপন দিয়াটো বৰ্তমানৰ আইন আৰু অপৰাধ আইনৰ বিপৰীতে অবৈধ।

আইনী বিধান অনুসৰি বাজিৰ লগত জড়িত ব্যক্তিসকলে তেওঁলোকৰ সম্পত্তি বাজেয়াপ্ত, এবছৰ পৰ্যন্ত কাৰাদণ্ড, আৰু ১০ হাজাৰ টকা পৰ্যন্ত জৰিমনা ভৰিব লাগিব পাৰে। অবৈধ বেটিং এপ আৰু ৱেবছাইট ব্যৱহাৰ নকৰিবলৈ সকলোকে আহ্বান মন্ত্ৰালয়ে। যদি ক’ৰবাত এনে কার্যকলাপ চলি আছে তেন্তে নেপাল দূৰসংযোগ প্রাধিকৰণৰ উপ-সঞ্চালক সূর্য প্রসাদ লামিছানেৰ সৈতে যোগাযোগ কৰি তেওঁক অৱগত কৰিবলৈ অনুৰোধ জনোৱা হৈছে ৷

हिन्दुस्थान समाचार / মনোজ কুমাৰ শইকীয়া