বৰ্তমান অভিনেত্ৰী আলিয়া ভট্টৰ আগন্তুক ছবি আলফাৰ বাবে বাতৰিৰ শিৰোনাম দখল কৰিছে। ইফালে আন এটা ডাঙৰ প্ৰজেক্টৰ বাবে চুক্তিবদ্ধ হোৱাৰ খবৰ ওলাইছে। খবৰ অনুসৰি আলিয়াক পৰিচালক অভিষেক পাঠকৰ সৈতে হাই ভল্টেজ নাটক হাউছৱাইফত দেখা যাব। ইয়াৰ পূৰ্বে অভিষেক পাঠকে অজয় দেৱগনে অভিনীত ছুপাৰহিট ছবি দৃশ্যাম ২ পৰিচালনা কৰিছিল। এই নতুন ছবিখনত আলিয়াই এগৰাকী বিবাহিত মহিলাৰ চৰিত্ৰত অভিনয় কৰা দেখা যাব।
খবৰ অনুসৰি, ছবিখনৰ কাহিনী এটা বিবাহিত দম্পতীৰ ওপৰত আবদ্ধ হ’ব আৰু ইয়াত আৱেগিকভাৱে সম্পৰ্কৰ জটিলতাসমূহ অন্বেষণ কৰা হ’ব। মুখ্য চৰিত্ৰৰ বাবে অভিনেতা ৰাজকুমাৰ ৰাওৰ সৈতে আলোচনা চলি আছে। সূত্ৰসমূহে জনোৱা মতে, তেওঁ এই প্ৰকল্পৰ প্ৰতি আগ্ৰহ প্ৰকাশ কৰিছে যদিও এতিয়াও চৰকাৰী চুক্তি স্বাক্ষৰিত হোৱা নাই। যদিহে এই চুক্তি বাস্তৱায়িত হয়, তেন্তে এইটোৱেই হ’ব প্ৰথমবাৰৰ বাবে আলিয়া ভাট আৰু ৰাজকুমাৰ ৰাওক একেলগে ডাঙৰ পৰ্দাত দেখা যাব।
খবৰ অনুসৰি আলিয়াই কেৱল হাউছৱাইফত অভিনয় কৰাই নহয়, তেওঁৰ প্ৰডাকচন কোম্পানী ইটাৰ্নেল ছানশ্বাইন প্ৰডাকচনৰ জৰিয়তেও ইয়াৰ সহ-প্ৰযোজনা কৰিব। পেনোৰামা ষ্টুডিঅ’ৰ সহযোগত নিৰ্মাণ হ’ব ছবিখন। ২০২৬ চনৰ মাজভাগত অৰ্থাৎ আগষ্ট বা ছেপ্টেম্বৰৰ আশে-পাশে শ্বুটিং আৰম্ভ হোৱাৰ সম্ভাৱনা আছে। তেতিয়ালৈকে অভিষেক পাঠকে দৃশ্যাম ৩ৰ চিত্ৰগ্ৰহণ সম্পূৰ্ণ কৰিব। বৰ্তমান আলিয়াই সঞ্জয় লীলা ভাঞ্চালীৰ ছবি লাভ এণ্ড ৱাৰত ৰণবীৰ কাপুৰ আৰু বিকি কৌশলৰ সৈতে কাম কৰি আছে।
हिन्दुस्थान समाचार / মনোজ কুমাৰ শইকীয়া
