গোলাঘাট, ০৩ ফেব্ৰুৱাৰী (হি.স.)। গোলাঘাট জিলাৰ দেৰগাঁও বিধানসভা সমষ্টিত আগন্তুক বিধানসভা নিৰ্বাচনত এন ডি এৰ প্ৰাৰ্থী থাকিব ৷ মুখ্যমন্ত্ৰীগৰাকীয়ে খুমটাইৰ এক জনসভাত দেৰগাঁও বিধানসভা সমষ্টিত বিজেপিৰ প্ৰাৰ্থী থাকিব বুলি উল্লেখ কৰাৰ পিছতেই একপ্ৰকাৰ উৎফুল্লিত হৈ পৰিছিল বিজেপিৰ শিবিৰ ৷ তাৰ পিছতেই সমষ্টিটোত বিজেপি দলৰ সাংগঠনিক তৎপৰতা বৃদ্ধি পাইছিল ৷
মঙ্গলবাৰে দেৰগাঁওৰ নৰেন শৰ্মা স্মৃতি পথাৰত অনুস্থিত সংকল্প সমাৱেশত কেইবা সহস্ৰাধিক অগপ কৰ্মীয়ে অংশগ্ৰহণ কৰি আগন্তুক নিৰ্বাচনৰ বাবে সাজু হোৱা পৰিলক্ষিত হ’ল ৷ এই সমাৱেশত অগপৰ সভাপতি অতুল বৰা, কাৰ্যকৰী সভাপতি কেশৱ মহন্ত, সাংসদ ফনিভূষণ চৌধুৰী উপস্থিত থাকি অগপৰ শক্তি বৃদ্ধি কৰিবলৈ দলীয় কৰ্মীসকলক উল্লেখ কৰে ৷ দেৰগাঁও সমষ্টিত অগপৰ প্ৰাৰ্থী থাকিব নেকি বুলি সোধা প্ৰশ্নৰ উত্তৰত সভাপতিগৰাকীয়ে এন ডি এ ৰ প্ৰাৰ্থী থাকিব বুলি তাৎপৰ্যপূৰ্ণ মন্তব্য কৰে ৷ দিল্লীত আলোচনাৰ পিছতহে কোন দলে কোনটো সমষ্টিত প্ৰতিদ্বন্দ্ব্বিতা কৰিব সেইয়া স্পষ্ট হ’ব বুলি উল্লেখ কৰে ৷ আনহাতে সমষ্টিটোত এন ডি এ ৰ এগৰাকীয়েই প্ৰাৰ্থী হ’ব নহ’লে ভোট বিভাজনৰ জড়িয়তে বিৰোধী লাভৱান হ’ব বুলি উল্লেখ কৰে সভাপতি অতুল বৰাই।
হিন্দুস্থান সমাচাৰ / Narayan Kar
