নতুন দিল্লী, ১৯ ফেব্ৰুৱাৰী (হি.স.)। ভাৰতৰ ভাৰত মণ্ডপমত অনুষ্ঠিত হোৱা ইণ্ডিয়া এ আই ইমপেক্ট ছামিটত ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছ, ৰিলায়েন্স ইণ্ডাষ্ট্ৰীজৰ অধ্যক্ষ তথা পৰিচালন সঞ্চালক মুকেশ আম্বানী, টাটা গ্ৰুপৰ অধ্যক্ষ এন চন্দ্ৰশেকৰণ, আৰু আমেৰিকান এ আই কোম্পানী এণ্ট্ৰপিকৰ চিইঅ’ ডাৰিঅ’ আমোদেইকে ধৰি আগশাৰীৰ ব্যক্তি আৰু উদ্যোগৰ নেতাসকলে ভাৰতৰ এআই নেতৃত্বৰ মুকলি প্ৰশংসা কৰে। তেওঁলোকে কয় যে ডিজিটেল আন্তঃগাঁথনি, তথ্য, জনসংখ্যা, আৰু উদ্ভাৱনৰ সৈতে ভাৰত বিশ্বৰ আগশাৰীৰ এআই শক্তি হ’বলৈ সাজু হৈছে। ভাৰতে এআইক উন্নত ভাৰত ২০৪৭ৰ দৃষ্টিভংগীত এক মূল শক্তি হিচাপে গঢ়ি তুলিব।ভাৰত গ্ল’বেল চাউথৰ বাবেও এআই বিকাশৰ আৰ্হি হ’ব পাৰে।

ভাৰত মণ্ডপমত সন্মিলনৰ সময়ত অনুষ্ঠিত এক অধিবেশনত ভাষণ দি ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছে এই সন্মিলনৰ আয়োজন কৰাৰ বাবে প্ৰধানমন্ত্ৰী নৰেন্দ্ৰ মোডীক ধন্যবাদ জনায়। তেওঁ কয় যে গ্ল’বেল চাউথত এনেধৰণৰ প্রথমখন এ আই সন্মিলন আয়োজন কৰি ভাৰতে নেতৃত্ব প্রদর্শন কৰিছে৷ এআইৰ ভৱিষ্যত কেইখনমান দেশ বা দুই এজন কোটিপতিৰ হাতত এৰি দিব নোৱাৰি। ই সকলো মানৱতাৰ সৈতে জড়িত আৰু সকলো দেশৰ অংশগ্ৰহণৰ প্ৰয়োজন।

কেন্দ্ৰীয় মন্ত্ৰী অশ্বিনী বৈষ্ণৱে ঘোষণা কৰে যে নতুন দিল্লী ফ্ৰন্টিয়াৰ এআই ইমপেক্ট কমিটমেণ্টৰ অধীনত আগশাৰীৰ এআই কোম্পানী আৰু ভাৰতীয় উদ্ভাৱকসকলে একত্ৰিত হৈ দায়িত্বশীল এআইৰ বাবে স্বেচ্ছামূলক প্ৰতিশ্ৰুতি দিছে।

এলিয়ানজ ইণ্ডিয়াৰ জেনেৰেল মেনেজাৰ চাৰ্জ ৰাফাৰ্ডে কয় যে সমগ্ৰ বিশ্বক উন্নীত কৰিবলৈ সকলোৰে বাবে এআই উপলব্ধ হ’ব লাগে। ৰাফাৰ্ডে কয় যে সমগ্ৰ বিশ্বক উন্নীত কৰিবলৈ সকলোৰে বাবে এআই উপলব্ধ হ’ব লাগে। এই সন্মিলন আশা কৰাতকৈও ডাঙৰ।

টাটা গ্ৰুপৰ অধ্যক্ষ এন চন্দ্ৰশেক্ৰনে কয় যে ভাৰত এআইক লৈ আশাবাদী। ডিজিটেল আন্তঃগাঁথনিৰ শক্তি ভাৰতে দেখিছে। এআই পৰৱৰ্তী ডাঙৰ আন্তঃগাঁথনি হ’বলৈ গৈ আছে। ভাপ ইঞ্জিন, বিদ্যুৎ, ইণ্টাৰনেটৰ দৰেই ই পৰিৱৰ্তন আনিব। তেওঁ কয় যে এআই কেৱল কৃত্ৰিম বুদ্ধিমত্তা নহয়। ই এক প্ৰকৃত প্ৰযুক্তি যিয়ে তথ্যৰ পৰা শিকে। ইয়াৰ প্ৰভাৱ সকলো উদ্যোগতে পৰিব।

ৰিলায়েন্স ইণ্ডাষ্ট্ৰীজৰ অধ্যক্ষ তথা পৰিচালন সঞ্চালক মুকেশ আম্বানীয়ে কয় যে এই সন্মিলন ভাৰতৰ প্ৰযুক্তিগত ইতিহাসৰ এক সংজ্ঞায়িত মুহূৰ্ত। ভাৰতে এআইৰ সহায় লৈ উন্নত ভাৰত ২০৪৭ৰ দৃষ্টিভংগী পূৰণ কৰিব।এআইৰ সঠিক ব্যৱহাৰে বিশ্বৰ পৰা দৰিদ্ৰতা দূৰ কৰিব পাৰে আৰু সকলো মানৱ জাতিৰ বাবে সমৃদ্ধি কঢ়িয়াই আনিব পাৰে। তেওঁ কয় যে এআই কেৱল এটা প্ৰযুক্তি নহয়; ই মানুহৰ দৰে শিকিব পৰা, কথা ক’ব পৰা আৰু কাম কৰিব পৰা ব্যৱস্থা। তেওঁ এআইক মহাভাৰতৰ অক্ষয় পাত্ৰৰ লগত তুলনা কৰিছিল। আজি পৃথিৱীখন এটা টাৰ্নিং পইণ্টত থিয় দিছে। এটা পথ হ’ল য’ত এআই কেইখনমান দেশ আৰু কোম্পানীত সীমাবদ্ধ থাকিব। আনটো হ’ল য’ত এআইয়ে সকলোৰে বাবে সুযোগ সৃষ্টি কৰিব। ভাৰতে পিছৰ পথত বিশ্বাস কৰে।

আম্বানীয়ে কয় যে ভাৰতৰ এআই শক্তি হ’বলৈ এক শক্তিশালী ভেটি আছে। বিশ্বৰ সৰ্বাধিক মোবাইল ডাটা গ্ৰাহক ভাৰত। দেশত প্ৰায় ১ বিলিয়ন ইণ্টাৰনেট ব্যৱহাৰকাৰী আছে। তথ্যৰ মূল্য বিশ্বৰ ভিতৰতে আটাইতকৈ কম। আধাৰত আছে ১.৪ বিলিয়ন ডিজিটেল পৰিচয়। ইউপিআইয়ে প্ৰতিমাহে ১২০০ মিলিয়নতকৈ অধিক লেনদেন প্ৰক্ৰিয়াকৰণ কৰে। ভাৰত বিশ্বৰ শীৰ্ষ ষ্টাৰ্টআপ ইক’চিষ্টেমৰ ভিতৰত অন্যতম। দেশত এক লাখৰো অধিক ষ্টাৰ্টআপ আৰু এক লাখৰো অধিক ইউনিকৰ্ণ আছে। ভাৰতৰ ডিজিটেল ৰূপান্তৰত জিঅ’ই মুখ্য ভূমিকা পালন কৰিছে। এতিয়া ভাৰতৰ এআই ৰূপান্তৰত জিঅ’ই আৰু ডাঙৰ ভূমিকা ল’ব।

ওপেনএআইৰ চিইঅ’ ছেম অল্টমেনে কয় যে ভাৰতত এআইৰ কাম আৰু গ্ৰহণে বিশ্বক আগুৱাই লৈ গৈছে। ভাৰত এআইৰ বাবে সৰ্ববৃহৎ বজাৰ হ’ব, আৰু ইয়াৰ ফলত নিয়োগৰ ক্ষেত্ৰত নিশ্চয় প্ৰভাৱ পৰিব, কিন্তু নতুন সুযোগো সৃষ্টি হ’ব। ওপেনএআইৰ চিইঅ’ ছেম অল্টমেনে কয় যে ভাৰতত এআইৰ কাম আৰু গ্ৰহণে বিশ্বক আগুৱাই লৈ গৈছে। তেওঁ কয় যে ভাৰত এআইৰ সৰ্ববৃহৎ বজাৰ হ’ব আৰু ইয়াৰ ফলত নিয়োগৰ ক্ষেত্ৰত নিশ্চয় প্ৰভাৱ পৰিব, কিন্তু নতুন সুযোগো সৃষ্টি হ’ব।

এণ্ট্ৰপিকৰ চিইঅ’ ডাৰিঅ’ আমোদেইয়ে কয় যে ভাৰতে এআইৰ ভৱিষ্যতত কেন্দ্ৰীয় ভূমিকা পালন কৰিব। ভাৰতৰ প্ৰতি থকা দায়বদ্ধতা প্ৰদৰ্শন কৰি এন্থ্ৰপিকে এই সপ্তাহতে বেংগালুৰুত নিজৰ কাৰ্যালয় মুকলি কৰে। কোম্পানীটোৱে ইনফ’ছিছকে ধৰি কেইবাটাও ভাৰতীয় কোম্পানীৰ সৈতে অংশীদাৰিত্বৰ কথা ঘোষণা কৰিছে। ভাৰতত এআইৰ প্ৰতি প্ৰচণ্ড শক্তি আৰু উৎসাহ আছে। তেওঁ কয় যে যোৱা কেইদিনমানৰ পৰা ভাৰতীয় কোম্পানী আৰু উদ্ভাৱকসকলৰ সৈতে সাক্ষাৎ কৰিছে। ভাৰতৰ সৃষ্টি আৰু উদ্ভাৱনৰ মনোভাৱ পৃথিৱীৰ আন ঠাইতকৈ বেলেগ স্তৰত আছে। এআইৰ অপব্যৱহাৰ, অৰ্থনৈতিক প্ৰভাৱ, স্বায়ত্তশাসিত আচৰণ আদি বিষয়সমূহৰ সমাধানত ভাৰতে মূল ভূমিকা পালন কৰিব।

हिन्दुस्थान समाचार / মনোজ কুমাৰ শইকীয়া