নতুন দিল্লী, ১৫ ফেব্ৰুৱাৰী (হি.স.)। দেশত চলিত বিত্তীয় বৰ্ষ ২০২৫-২৬ৰ প্ৰথম ১০ মাহত বিদ্যুৎ উৎপাদন ক্ষমতা অভিলেখ পৰিমাণত বৃদ্ধি পাইছে। বিদ্যুৎ উৎপাদন ১১ শতাংশতকৈ অধিক বৃদ্ধি পাইছে, যিটো এই বিত্তীয় বৰ্ষত এতিয়ালৈকে সৰ্বাধিক বৃদ্ধি। সম্প্ৰতি ৫২,৫৩৭ মেগাৱাট বৃদ্ধিৰে দেশৰ মুঠ বিদ্যুৎ উৎপাদন ৫,২০,৫১০.৯৫ মেগাৱাটত উপনীত হয়।
কেন্দ্ৰীয় শক্তি মন্ত্ৰালয়ৰ তথ্য অনুসৰি চলিত বৰ্ষৰ ৩১ জানুৱাৰীলৈকে যোগ কৰা মুঠ ক্ষমতাৰ ভিতৰত ৩৯,৬৫৭ মেগাৱাট নবীকৰণযোগ্য শক্তিৰ পৰা উৎপাদন কৰা হৈছে। ইয়াৰ ভিতৰত আছে ৩৪,৯৫৫ মেগাৱাট সৌৰশক্তি আৰু ৪,৬১৩ মেগাৱাট বায়ু শক্তি। মন্ত্ৰালয়ে উল্লেখ কৰিছে যে এয়া এক বছৰৰ ভিতৰত সৰ্বাধিক ক্ষমতা বৃদ্ধি। ইয়াৰ পূৰ্বে ২০২৪-২৫ চনত ৩৪,০৫৪ মেগাৱাট ক্ষমতা সংযোজন কৰা হৈছিল।
দেশৰ মুঠ স্থাপন ক্ষমতাৰ ভিতৰত ২,৪৮,৫৪১.৬২ মেগাৱাট জীৱাশ্ম ইন্ধন ভিত্তিক, আনহাতে ২,৭১,৯৬৯.৩৩ মেগাৱাট অজীৱাশ্মৰ উৎসৰ পৰা। অজীৱাশ্মৰ উৎসসমূহৰ ভিতৰত ৮,৭৮০ মেগাৱাট পাৰমাণৱিক শক্তি, আনহাতে ২,৬৩,১৮৯.৩৩ মেগাৱাট নবীকৰণযোগ্য শক্তিৰ পৰা আহিছে।
हिन्दुस्थान समाचार / অৰৱিন্দ
