বেংকক (থাইলেণ্ড), ১৫ ফেব্ৰুৱাৰী (হি.স.): এ চি চি মহিলা এছিয়া কাপ ৰাইজিং ষ্টাৰছ ২০২৬ত ভাৰতীয় এ মহিলা দলে পাকিস্তান এ মহিলা দলক ৮ উইকেটত পৰাস্ত কৰে। দেওবাৰে বেংককৰ টেৰদথাই ক্ৰিকেট খেলপথাৰত অনুষ্ঠিত মেচখনত পাকিস্তানে টছত জয়লাভ কৰি প্ৰথমে বেটিং কৰাৰ সিদ্ধান্ত গ্ৰহণ কৰে। অৱশ্যে সমগ্ৰ দলটোৱে ১৮.৫ অভাৰত ৯৩ ৰাণ কৰি আউট হয়। ইয়াৰ প্ৰত্যুত্তৰত ভাৰতীয় এ মহিলা দলে ১০.১ অভাৰত ২টা উইকেট হেৰুৱাই ৯৭ ৰান সংগ্ৰহ কৰি মেচখন জয়ী হয়।

উল্লেখ্য যে ৯৪ ৰানৰ লক্ষ্য খেদি খেদি ভাৰতীয় দলৰ আৰম্ভণি দুৰ্বল আছিল। প্ৰথম বলত অ’পেনাৰ হুমাইৰা কাজীক আউট কৰা হয়। ইয়াৰ পাছতে বৃন্দা দিনেশ আৰু অনুষ্কা শৰ্মাই ৫০টা বলত ৭৯ ৰানৰ কঠিন অংশীদাৰিত্ব ভাগ কৰি ইনিংছটো স্থিৰ কৰি ৰাখে।

অনুষ্কা ৪টা চাৰিৰ সহায়ত ২৬টা বলত ২৪ ৰান কৰি আউট হৈছিল যদিও তাৰ পাছত আৰু কোনো উইকেট নপৰিল। বৃন্দা দীনেশে আগ্ৰাসী ইনিংছ খেলি ২৯টা বলত অপৰাজিত ৫৫ ৰান সংগ্ৰহ কৰে, য’ত ১২টা চাৰিটাও আছিল। তেজল হাছাবনিছে ৫টা বলত অপৰাজিত ১২ ৰান সংগ্ৰহ কৰে।

পাকিস্তানৰ হৈ ৱাহিদা আখতাৰ আৰু মমিনা ৰিয়াছাতে এটাকৈ উইকেট দখল কৰে।

ইয়াৰ পূৰ্বে পাকিস্তানৰ ইনিংছৰ সময়ত ভাৰতীয় বলাৰসকলে আৰম্ভণিৰে পৰা চাপ বজাই ৰাখিছিল। নিয়মীয়াকৈ ব্যৱধানত উইকেট হেৰুৱাই পাকিস্তানে সুস্থ হ’ব নোৱাৰিলে আৰু দলটোৱে ৯৩ ৰানত অল আউট কৰে। পাকিস্তানৰ হৈ অ’পেনাৰ শ্বাৱাল জুলফিকাৰে সৰ্বাধিক ২৩ ৰান সংগ্ৰহ কৰাৰ বিপৰীতে গুলৰুখে ২১ ৰান আৰু আনুছা নাচিৰে ১৭ ৰান সংগ্ৰহ কৰে।এইবোৰৰ বাহিৰে আন কোনো বেটছমেনে দ্বৈত সংখ্যাত উপনীত হোৱা নাছিল।

ভাৰতীয় এ মহিলা দলৰ হৈ ছাইমা ঠাকোৰ, ৰাধা যাদৱ, আৰু প্ৰেমা ৰাৱটে দুটাকৈ উইকেট দখল কৰে। ইফালে জিন্তিমণি কলিতা আৰু মীনু মণিয়ে প্ৰত্যেকেই সফলতা অৰ্জন কৰে।

हिन्दुस्थान समाचार / অৰৱিন্দ