
নতুন দিল্লী, ২০ নৱেম্বৰ (হি.স.)। কেন্দ্ৰীয় বিত্ত আৰু কৰ্পৰেট পৰিক্ৰমা মন্ত্ৰী নিৰ্মলা সীতাৰমনৰ সভাপতিত্বত শুকুৰবাৰে নতুন দিল্লীত নিয়োগ আৰু শ্ৰম খণ্ডৰ অংশীদাৰসকলৰ সৈতে বাজেটৰ পূৰ্বে এক গুৰুত্বপূৰ্ণ পৰামৰ্শ বৈঠক অনুষ্ঠিত হয়। এইখন আছিল সীতাৰমণৰ অষ্টমখন বাজেটৰ পূৰ্বৰ বৈঠক।
বিত্ত মন্ত্ৰালয়ে এক্সত এটা পোষ্টত উল্লেখ কৰিছে যে আগন্তুক কেন্দ্ৰীয় বাজেট ২০২৭-২৮ৰ পূৰ্বে বিভিন্ন উদ্যোগ আৰু গোটৰ পৰা ইনপুট সংগ্ৰহৰ প্ৰক্ৰিয়াৰ এইটো এটা গুৰুত্বপূৰ্ণ অংশ। এই বৈঠকত হোৱা আলোচনাসমূহে মূলতঃ এই মূল খণ্ডসমূহৰ প্ৰতিনিধিসকলৰ উদ্বেগ আৰু পৰামৰ্শসমূহৰ সমাধানৰ ওপৰত গুৰুত্ব আৰোপ কৰিছিল।
মন্ত্ৰালয়ে উল্লেখ কৰে যে অৰ্থনৈতিক পৰিক্ৰমা বিভাগৰ সচিব (বিত্ত মন্ত্ৰালয়) আৰু শ্ৰম মন্ত্ৰালয়ৰ জ্যেষ্ঠ বিষয়াসকলেও বৈঠকত অংশগ্ৰহণ কৰে।
কেন্দ্ৰীয় বিত্ত আৰু কৰ্পৰেট পৰিক্ৰমা মন্ত্ৰী নিৰ্মলা সীতাৰমনৰ সভাপতিত্বত ২০২৭-২৮ চনৰ কেন্দ্ৰীয় বাজেট সন্দৰ্ভত নিয়োগ আৰু শ্ৰম খণ্ডৰ অংশীদাৰসকলৰ সৈতে অষ্টমখন বাজেটৰ পূৰ্বে আলোচনা বৈঠক অনুষ্ঠিত হয়। এই আলোচনাৰ উদ্দেশ্য হৈছে আগন্তুক কেন্দ্ৰীয় বাজেটৰ বাবে চাকৰি সৃষ্টি, দক্ষতা বিকাশ, আৰু শ্ৰম সংস্কাৰৰ সৈতে জড়িত পৰামৰ্শ সংগ্ৰহ কৰা।
হিন্দুস্থান সমাচাৰ / মনোজ কুমাৰ শইকীয়া