নতুন দিল্লী, ০১ নৱেম্বৰ (হি.স.): উপ-ৰাষ্ট্ৰপতি চি.পি. ৰাধাকৃষ্ণনে দেওবাৰে নতুন দিল্লীৰ তালকটোৰা ষ্টেডিয়ামত ৰাষ্ট্ৰীয় অংগ প্ৰতিস্থাপন গেমছ ২০২৬ উদ্বোধন কৰে। এই অনুষ্ঠানত দেশৰ বিভিন্ন প্ৰান্তৰ পৰা ট্ৰান্সপ্লাণ্ট গ্ৰহণকাৰী, দাতা, স্বাস্থ্যসেৱা পেছাদাৰী, পৰিয়াল, আৰু অংশীদাৰসকলক একত্ৰিত কৰা হয়।

অনুষ্ঠানৰ সময়ত উপ-ৰাষ্ট্ৰপতিগৰাকীয়ে প্ৰয়াত অংগদাতাসকলক শ্ৰদ্ধাঞ্জলি জ্ঞাপন কৰাৰ লগতে তেওঁলোকৰ পৰিয়াললৈ গভীৰ সমবেদনা জ্ঞাপন কৰে। তেওঁ কয় যে তেওঁলোকৰ নিস্বাৰ্থ সিদ্ধান্তই আনক জীৱনৰ দ্বিতীয়টো সুযোগ দিয়ে। তেওঁ এই গেমছক সাহস, দৃঢ়তা, মমতা, জীৱনৰ বহুমূলীয়া উপহাৰৰ উদযাপন বুলি অভিহিত কৰে।

এই উপলক্ষে কেন্দ্ৰীয় স্বাস্থ্য আৰু পৰিয়াল কল্যাণ বিভাগৰ ৰাজ্যিক মন্ত্ৰী প্ৰতাপৰাও জাধৱ, লোকসভাৰ সাংসদ বাঁসুৰী স্বৰাজকে ধৰি অন্যান্য বিশিষ্ট ব্যক্তিসকল উপস্থিত থাকে। এই অনুষ্ঠানৰ সময়ত উপ-ৰাষ্ট্ৰপতিগৰাকীয়ে জিণ্ডেগী ড'বাৰা কেলেণ্ডাৰ প্ৰকাশ কৰাৰ লগতে জাৰ্মানীৰ ড্ৰেছডেনত অনুষ্ঠিত বিশ্ব অংগ প্ৰতিস্থাপন গেমছ ২০২৫ৰ পদক বিজয়ীসকলক সন্মান জনায়।

উপ-ৰাষ্ট্ৰপতিগৰাকীয়ে ৫৭০ গৰাকী অংগ প্ৰতিস্থাপন গ্ৰহণকাৰী আৰু দাতাই একেলগে তাদাসন কৰাৰ এক বিশ্ব অভিলেখ সৃষ্টি কৰা প্ৰচেষ্টা প্ৰত্যক্ষ কৰে। এই সফল প্ৰচেষ্টাৰ পিছতে আয়োজকসকলক নতুন দিল্লীৰ বুক অৱ ৱৰ্ল্ড ৰেকৰ্ডছৰ পৰা প্ৰমাণ পত্ৰ প্ৰদান কৰা হয়। উপ-ৰাষ্ট্ৰপতিগৰাকীয়ে সকলোৰে সৈতে অংগদানৰ প্ৰতিশ্ৰুতি গ্ৰহণ কৰি কাবাডী, টেবুল টেনিছ, বেডমিণ্টনৰ প্ৰদৰ্শনীমূলক খেলসমূহ চায়।

উল্লেখযোগ্য যে আজি দিল্লীৰ টলকতোৰা ইনড’ৰ ষ্টেডিয়ামত অনুষ্ঠিত হৈছে ৰাষ্ট্ৰীয় প্ৰতিস্থাপন গেমছ ২০২৬। ৰেনাল কেয়াৰ ফাউণ্ডেশ্যন, ছাৰ গংগা ৰাম হাস্পতাল আৰু নট্টোৰ উদ্যোগত ৫৭০ জন অংগ গ্ৰহণকাৰীয়ে এই ক্ৰীড়া উৎসৱত অংশগ্ৰহণ কৰিছে। ইয়াৰ লক্ষ্য হৈছে অংগদানৰ বিষয়ে সজাগতা সৃষ্টি কৰা আৰু আকৌ জীৱন ৰ আনন্দ উদযাপন কৰা।

হিন্দুস্থান সমাচাৰ / মনোজ কুমাৰ শইকীয়া