আইচি-নাগোয়া, ০৩ অক্টোবৰ (হি.স.)। এছিয়ান গেমছত পুৰুষৰ ৰিকাৰ্ভ ব্যক্তিগত ইভেণ্টত ব্ৰঞ্জৰ পদক লাভ কৰিছে ভাৰতীয় ধনুৰ্বিদ নীৰজ চৌহানে। ব্ৰঞ্জৰ পদক মেচখনত স্বদেশৰ ধীৰাজ বোম্মাদেৱাক ৬-৪ ব্য়ৱধানত পৰাস্ত কৰি নীৰজে ব্যক্তিগত ৰিকাৰ্ভ ইভেণ্টত পদক লাভ কৰা মাত্ৰ দ্বিতীয়জন ভাৰতীয় পুৰুষ ধনুৰ্বিদ হিচাপে পৰিগণিত হয়।
ভাৰতীয় ধনুৰ্বিদ দুজনৰ মাজত হোৱা প্ৰতিযোগিতাখন আছিল অত্যন্ত ৰোমাঞ্চকৰ। প্ৰথম ছেটত ধীৰাজে ৭, ৯, আৰু ১০ পইণ্ট সংগ্ৰহ কৰাৰ বিপৰীতে নীৰজে ১০, ৯, আৰু ১০ পইণ্ট সংগ্ৰহ কৰে।
দ্বিতীয় ছেটত ধীৰাজে উল্লেখযোগ্য প্ৰত্যাৱৰ্তন কৰি ৮, ১০, আৰু ১০ পইণ্ট সংগ্ৰহ কৰাৰ বিপৰীতে নীৰজে মাত্ৰ ১০, ৮, আৰু ৯ পইণ্টহে সংগ্ৰহ কৰিবলৈ সক্ষম হয়। ধীৰাজে ২৮-২৭ গ’লত ছেটটো জয় কৰি মেচখন ২-২ গ’লত সমতা স্থাপন কৰে।
তৃতীয় ছেটত দুয়োজন ধনুৰ্বিদই প্ৰথমে ১০ পইণ্টকৈ আৰু তাৰ পিছত ৯ পইণ্টকৈ লাভ কৰে। অন্তিম কাঁড়ত ধীৰাজে ১০ পইণ্ট সংগ্ৰহ কৰাৰ বিপৰীতে নীৰজে মাত্ৰ ৯ পইণ্টহে সক্ষম হয়।
ইয়াৰ পিছতে নীৰজে শক্তিশালী কামবেক কৰে। চতুৰ্থ ছেটত তেওঁ একেৰাহে তিনিটা ১০ ৰান সংগ্ৰহ কৰি মুঠ ৩০ পইণ্ট লাভ কৰে। ধীৰাজে ২৮ পইণ্টৰ বাবে ৯, ৯, আৰু ১০ পইণ্ট সংগ্ৰহ কৰে। নীৰজে ৩০-২৮ গ’লত ছেটটো জয় কৰি মেচখন ৪-৪ গ’লত সমতা স্থাপন কৰে।
নিৰ্ণায়ক পঞ্চম ছেটত ধীৰাজে ৮ পইণ্টেৰে আৰম্ভণি কৰাৰ বিপৰীতে নীৰজে ১০ পইণ্ট সংগ্ৰহ কৰে। দ্বিতীয় কাঁড়ত ধীৰাজে ১০ পইণ্ট লাভ কৰে যদিও নীৰজে ৯ ৰান কৰি নিজৰ অগ্ৰগতি অক্ষুণ্ণ ৰাখে।অন্তিম কাঁড়ত দুয়োজনে ১০ পইণ্ট সংগ্ৰহ কৰে। নীৰজে ২৯-২৮ গ’লত ছেটটো জয় কৰি মেচখন ৬-৪ গ’লত দখল কৰি ব্ৰঞ্জৰ পদক নিশ্চিত কৰে।
এই কৃতিত্ব নীৰজৰ বাবেও বিশেষ কাৰণ তেওঁ এছিয়ান গেমছত পুৰুষৰ ব্যক্তিগত ৰিকাৰ্ভ ইভেণ্টত পদক লাভ কৰা মাত্ৰ দ্বিতীয়জন ভাৰতীয় পুৰুষ ধনুৰ্বিদ হিচাপে পৰিগণিত হয়। তেওঁৰ পূৰ্বে ২০১০ চনত এই ইভেণ্টত তৰুনদীপ ৰায়ে ৰূপৰ পদক লাভ কৰিছিল।
-----------------
হিন্দুস্থান সমাচাৰ / অৰৱিন্দ
12 Oct 2026
