য়ুহান, ১৩ অক্টোবৰ (হি.স.)। পোলেণ্ডৰ টেনিছ তাৰকা ইগা ছুয়াটেকে এইবাৰৰ ডব্লিউ টি এ ফাইনেলত স্থান হেৰুওৱাৰ আশংকাৰ সন্মুখীন হৈছে। ২০২০ চনৰ পিছত প্ৰথমবাৰৰ বাবে এই ছিজনৰ সন্মানীয় প্ৰতিযোগিতাখন খেলিব নোৱাৰিব পাৰে। কিন্তু বিশ্বৰ এক নম্বৰ স্থানৰ প্ৰাক্তন খেলুৱৈগৰাকীয়ে শক্তিশালী প্ৰদৰ্শনেৰে বছৰটোৰ অন্ত পেলোৱাৰ লগতে প্ৰতিযোগিতাখনৰ বাবে যোগ্যতা অৰ্জনৰ আশাক অধিক শক্তিশালী কৰাৰ প্ৰতিশ্ৰুতি দিছে।

ছয়বাৰৰ গ্ৰেণ্ড শ্লেম চেম্পিয়ন ছুইয়াটেকে এইবাৰ মাত্ৰ এটা খিতাপহে লাভ কৰিছে, সেয়া হৈছে আগষ্টত অনুষ্ঠিত হ’বলগীয়া কানাডিয়ান অ’পেন। এই বছৰ চাৰিওখন গ্ৰেণ্ড শ্লেম প্ৰতিযোগিতাতে কোৱাৰ্টাৰ ফাইনেলৰ বাহিৰলৈ আগবাঢ়িব পৰা নাছিল ছানীয়ে। ২০২৩ চনত ডব্লিউ টি এ ফাইনেলৰ খিতাপ দখল কৰা ২৫ বছৰীয়া খেলুৱৈগৰাকীয়ে ২০২১ চনৰ পৰা প্ৰতিটো সংস্কৰণতে অংশগ্ৰহণ কৰি আহিছে।

৮ নৱেম্বৰৰ পৰা ১৫ নৱেম্বৰলৈ অনুষ্ঠিত হ’বলগীয়া ডব্লিউ টি এ ফাইনেলৰ কোৱালিফাইং টেবুলত বৰ্তমান ছুইয়াটেকে দশম স্থানত আছে। আঠজন খেলুৱৈৰ এই প্ৰতিযোগিতাখনত এতিয়াও চাৰিটা স্থান উপলব্ধ। নৱম স্থানত থকা ইউক্ৰেইনৰ মাৰ্টা কষ্টিউকৰ পৰা ১১১ পইণ্ট পিছ পৰি থকা ছুৱেটেকে ৩৭৯৯ পইণ্ট লাভ কৰিছে। ৪৬১৫ পইণ্ট লাভ কৰা কেৰ’লিনা মুচ’ভাই এতিয়াও যোগ্যতা অৰ্জন নকৰা সৰ্বনিম্ন ৰেংকিঙৰ খেলুৱৈ।

ছুৱেটেকে এই প্ৰত্যাহ্বানক ইতিবাচকভাৱে লৈছে

সোমবাৰে য়ুহান অ’পেনৰ পূৰ্বে সাংবাদিকৰ সৈতে হোৱা এক সাক্ষাৎকাৰত ছুয়াটেকে স্বীকাৰ কৰে যে তেওঁ অৰ্হতাৰ পৰিস্থিতিৰ বিষয়ে সচেতন আৰু ডব্লিউ টি এ ফাইনেলত প্ৰৱেশ কৰাটো তেওঁৰ অগ্ৰাধিকাৰ। তেখেতে কয়, মই পৰিস্থিতিৰ বিষয়ে সচেতন, আৰু ডব্লিউ টি এ ফাইনেলত প্ৰৱেশ কৰাটো নিশ্চিতভাৱে বৰ ভাল হ'ব। সেয়াই আমাৰ লক্ষ্য। ফাইনেলত প্ৰৱেশ কৰিবলৈ মই প্ৰথমবাৰৰ বাবে এনে পৰিস্থিতিৰ সন্মুখীন হৈছো।

ছুৱেটেকে কয় যে, এয়া এক প্ৰত্যাহ্বান, কিন্তু মই ভাবো যে ই এক ইতিবাচক প্ৰত্যাহ্বান, আৰু মই অতিশয় অনুপ্ৰাণিত। এতিয়াও কেইখনমান প্ৰতিযোগিতা বাকী আছে।

নতুন প্ৰশিক্ষকৰ সৈতে উন্নতিৰ আশা

ছুইয়াটেকে নিজৰ খেলত কৰা পৰিৱৰ্তনৰ বিষয়েও আলোচনা কৰে। উইম ফিচেটৰ সৈতে বিদায় লোৱাৰ পিছত এপ্ৰিল মাহত তেওঁ ফ্ৰান্সিস্কো ৰ’ইগক প্ৰশিক্ষক হিচাপে নিযুক্তি দিয়ে। ছুয়াটেকৰ মতে, নতুন প্ৰশিক্ষকৰ সৈতে প্ৰশিক্ষণ লোৱাৰ সময়ত তেওঁৰ খেলত ইতিবাচক উন্নতি দেখা গৈছে। 'মোৰ খেলত কিছু পৰিৱৰ্তন কৰিব লাগিছিল, আৰু ফ্ৰান্সিস্কোৰ মোৰ খেলৰ বাবে এটা ডাঙৰ পৰিকল্পনা আছে।মই অনুভৱ কৰোঁ যে আমি অনুশীলনৰ সময়ত মোৰ খেলখন বহুত বিকশিত কৰি আহিছো আৰু ভাল অগ্ৰগতি লাভ কৰিছো।'

ইউ এছ অ’পেনৰ আশে-পাশে থকা সময়ছোৱাটোৱেই আছিল তেওঁৰ ছিজনৰ আটাইতকৈ ইতিবাচক সময়, যাৰ ফলত তেওঁ সঠিক দিশত আগবাঢ়িছে বুলি আত্মবিশ্বাস লাভ কৰিছিল বুলিও কয় ছানীয়ে।

য়ুহান অ’পেনত নিজৰ অভিযানৰ গতি দিয়াৰ চেষ্টা

বুধবাৰে ৱুহান অ’পেনৰ প্ৰথম খেলত ছুইয়াটেকে মুখামুখি হ’ব স্বদেশৰ মেগডেলেনা ফ্ৰাঞ্চৰ। নিংবো আৰু টকিঅ’ত অনুষ্ঠিত হ’বলগীয়া ডব্লিউ টি এ ৫০০ স্তৰৰ প্ৰতিযোগিতাতো খেলাৰ কথা। এই প্ৰতিযোগিতাসমূহত শক্তিশালী প্ৰদৰ্শন ডব্লিউ টি এ ফাইনেলত প্ৰৱেশৰ আশাক জীয়াই ৰখাৰ বাবে অতি গুৰুত্বপূৰ্ণ হ’ব।

-----------------

হিন্দুস্থান সমাচাৰ / অৰৱিন্দ