নতুন দিল্লী, ১৩ অক্টোবৰ (হি.স.)। সপ্তাহটোৰ দ্বিতীয়টো ব্যৱসায়িক দিন মঙলবাৰে শ্বেয়াৰ বজাৰখনে অৱনতিৰ পৰা উদ্ধাৰ কৰি সেউজীয়া ৰঙেৰে বন্ধ হৈ পৰে। কেন্দ্ৰীয় বিত্তমন্ত্ৰী নিৰ্মলা সীতাৰমনৰ মন্তব্য আৰু আই টি খণ্ডৰ উত্থানৰ ফলত দুয়োটা মূল সূচকাংকই—চেন্সেক্সে—১১০৯ পইণ্ট আৰু নিফ্টিয়ে—৩৫৮.৬০ পইণ্ট বৃদ্ধি কৰে।
বম্বে ষ্টক এক্সচেঞ্জৰ চেন্সেক্সৰ মূল্য ১,১০৯.১০ পইণ্ট বা ১.৫৪ শতাংশ বৃদ্ধি পাই ৭৩,০৩৩.৭৮ত বন্ধ হয় । ৰাষ্ট্ৰীয় ষ্টক এক্সচেঞ্জ (এনএছই) নিফটিও ৩৫৮.৬০ পইণ্ট বা ১.৬০ শতাংশ বৃদ্ধি পাই ২২,৭২১.৯৫ পইণ্টত বন্ধ হয়। শ্বেয়াৰ বজাৰৰ এই ধুমুহাময় উত্থানৰ ফলত মাত্ৰ এদিনতে বিনিয়োগকাৰীৰ সম্পদ ৪ লাখ কোটিৰো অধিক বৃদ্ধি পায়।
বিশেষজ্ঞসকলে কয় যে কেন্দ্ৰীয় বিত্তমন্ত্ৰী নিৰ্মলা সীতাৰমণে এলটিচিজি কৰ আৰু ছিকিউৰিটিজ লেনদেন কৰ সন্দৰ্ভত কৰা মন্তব্যই বিনিয়োগকাৰীৰ উৎসাহ বৃদ্ধি কৰিছিল, যাৰ ফলত শ্বেয়াৰ বজাৰত উত্থান ঘটিছিল। আই টি খণ্ডৰ প্ৰবল উত্থানেও বজাৰখনক উত্থাপন কৰিলে। এইচ ইউ এল আৰু বাজাজ অটোৰ শ্বেয়াৰ ৩ শতাংশকৈ বৃদ্ধি। এই মূল কাৰকসমূহে বজাৰৰ আৱেগক শক্তিশালী কৰি তুলিছিল। ইফালে ভাৰতীয় টকাৰ মূল্য আমেৰিকাৰ মুদ্ৰাৰ বিপৰীতে ৪৮ পইচা শক্তিশালী হৈ প্ৰতি ডলাৰত ৯৫.৩০ (অস্থায়ী) হয়।
ইয়াৰ এদিন পূৰ্বে চেন্সেক্সৰ শ্বেয়াৰ ৫৪৭.৬৫ পইণ্ট বা ০.৭৬ শতাংশ হ্ৰাস পাই ৭১,৯২৪.৬৮ত বন্ধ হৈছিল । একেদৰে নিফটিৰ মূল্যও ১৫৭.১০ পইণ্ট বা ০.৭০ শতাংশ হ্ৰাস পাই ২২,৩৬৩.৩৫ত বন্ধ হৈছিল।
হিন্দুস্থান সমাচাৰ / মনোজ কুমাৰ শইকীয়া
