নতুন দিল্লী, ১৩ অক্টোবৰ (হি.স.)। ৰাষ্ট্ৰীয় ভূমি মুদ্ৰাকৰণ নিগমে মঙলবাৰে বিশাখাপট্টনম ষ্টীল প্লাণ্ট পৰিচালনা কৰা কৰ্পৰেট সংস্থা ৰাষ্ট্ৰীয় ইছপাট নিগম লিমিটেডৰ ১৫০টা প্ৰিমিয়াম লেণ্ড পাৰ্চেল নিলামৰ প্ৰথম দিনটোত সফলতাৰে ই-নিলাম কৰি চৰকাৰক ৩৬৬.৩৩ কোটি টকা উপাৰ্জন কৰে।
বিত্ত মন্ত্ৰালয়ে এক বিবৃতিত উল্লেখ কৰিছে যে ৰাষ্ট্ৰীয় ভূমি মুদ্ৰাকৰণ নিগমৰ প্ৰথমটো ডিজিটেল অনলাইন নিলামত ৰাষ্ট্ৰীয় ইস্পাত নিগম লিমিটেডৰ মাটিৰ টুকুৰাৰ প্ৰথম দিনাই সফল নিলামত ৩৬৬.৩৩ কোটি টকা লাভ কৰা হয়, য’ত ১৫০ টা মাটিৰ টুকুৰা বিক্ৰী হয়। বিত্ত মন্ত্ৰালয়ৰ ৰাজহুৱা উদ্যোগ বিভাগৰ অধীনস্থ ৰাষ্ট্ৰীয় ভূমি মুদ্ৰাকৰণ নিগমে এই প্ৰক্ৰিয়া চলাইছিল।
মন্ত্ৰালয়ৰ তথ্য অনুসৰি প্ৰথম পৰ্যায়ত আগবঢ়োৱা ১৫০ টা প্লট সফলতাৰে বিক্ৰী কৰা হৈছে, সফল নিবিদা মুঠ ৩৬৬.৩৩ কোটি টকাৰ বিপৰীতে ৩১২.৪৮ কোটি ₹ সংৰক্ষিত মূল্য। সফল নিবিদাসমূহে সংৰক্ষিত মূল্যতকৈ গড় প্ৰিমিয়াম ১৭.২৩ শতাংশ ৰেকৰ্ড কৰে, যিয়ে বজাৰত অংশগ্ৰহণ আৰু অফাৰ কৰা সম্পত্তিসমূহৰ প্ৰতি আগ্ৰহৰ ইংগিত দিয়ে।
বিত্ত মন্ত্ৰালয়ে জনোৱা মতে, নিলামে শক্তিশালী মূল্য লাভ কৰে, সৰ্বোচ্চ নিলামৰ মূল্য প্ৰতি বৰ্গ গজত ১.৮০ লাখ ₹ অতিক্ৰম কৰে। ইয়াৰ দ্বাৰা বিশাখাপট্টনমৰ প্ৰধান স্থানত প্লটৰ বাবে বজাৰৰ প্ৰবল চাহিদা প্ৰতিফলিত হয় আৰু ৰাজহুৱা সম্পত্তিৰ পৰা অৰ্থনৈতিক মূল্য আহৰণৰ ক্ষেত্ৰত স্বচ্ছ আৰু প্ৰতিযোগিতামূলক ই-নিলাম প্ৰক্ৰিয়াৰ ভূমিকাক আলোকপাত কৰা হয়।
মন্ত্ৰালয়ে জনোৱা মতে, ৰাষ্ট্ৰীয় ইছপাত নিগম লিমিটেডৰ সমন্বয়ত এন এল এম চিয়ে এই নিলামৰ সুবিধা প্ৰদান কৰি আছে, কুইক্ৰ ইণ্ডিয়া প্ৰাইভেট লিমিটেডে লেনদেন উপদেষ্টা হিচাপে লৈছে। ৰে’লটেলৰ ই-টেণ্ডাৰিং প্লেটফৰ্মৰ জৰিয়তে চলি আছে অনলাইন নিবিদা প্ৰক্ৰিয়া।
৩০ অক্টোবৰত আৰআইএনএল ই-নিলামৰ দ্বিতীয় পৰ্যায়
প্ৰথম পৰ্যায়ত পোৱা উৎসাহজনক সঁহাৰিৰ পিছত দ্বিতীয় আৰু অন্তিম পৰ্যায়ৰ ই-নিলামত বাকী ২১৬টা প্লট অন্তৰ্ভুক্ত কৰা হ’ব আৰু ২০২৬ চনৰ ৩০ অক্টোবৰত, পুৱা ১১ বজাৰ পৰা বিয়লি ৫:০০ বজালৈ অনুষ্ঠিত হ’ব। আগ্ৰহী নিলামকাৰীয়ে ২০২৬ চনৰ ২৭ অক্টোবৰৰ ভিতৰত পঞ্জীয়ন সম্পূৰ্ণ কৰিব লাগিব। উপলব্ধ প্লট, সংৰক্ষিত মূল্য, যোগ্যতাৰ চৰ্ত, আৰু অংশগ্ৰহণৰ প্ৰয়োজনীয়তাৰ সবিশেষ অফিচিয়েল ই-নিলাম পৰ্টেলত পোৱা যাব: https://eauction.enivida.com/।
ৰাষ্ট্ৰীয় ভূমি মুদ্ৰাকৰণ নিগম
ৰাষ্ট্ৰীয় ভূমি মুদ্ৰাকৰণ নিগম হৈছে বিত্ত মন্ত্ৰালয়ৰ ৰাজহুৱা উদ্যোগ বিভাগৰ অধীনত থকা এটা চৰকাৰী কোম্পানী। ই কেন্দ্ৰীয় ৰাজহুৱা খণ্ডৰ উদ্যোগ আৰু অন্যান্য চৰকাৰী সংস্থাসমূহৰ উদ্বৃত্ত ভূমি আৰু নিৰ্মাণ সম্পত্তিৰ মুদ্ৰাকৰণৰ সুবিধা প্ৰদান কৰে। ৰাষ্ট্ৰীয় ভূমি মুদ্ৰাকৰণ নিগমে সম্পত্তিৰ মালিক সংস্থাসমূহৰ সৈতে সমন্বয়ত কাম কৰি স্বচ্ছ আৰু বজাৰমুখী প্ৰক্ৰিয়াৰ জৰিয়তে এনে সম্পত্তিসমূহ গাঁথনিগতভাৱে চিনাক্ত, প্ৰস্তুত আৰু মুদ্ৰাকৰণ কৰে।
হিন্দুস্থান সমাচাৰ / মনোজ কুমাৰ শইকীয়া
