নতুন দিল্লী, ০১ অক্টোবৰ (হি.স.)। ফ্লাইডুবাইৰ ঘটনা সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কৰা টুইটৰ প্ৰত্যুত্তৰত সাংবাদিকৰ সৈতে বাৰ্তালাপত কেন্দ্ৰীয় মন্ত্ৰী কিৰেন ৰিজিজুৱে ভাৰতীয় মূলৰ পাইলট স্মিট মাছাৰৰ সাহসক প্ৰশংসা কৰে। তেওঁ কয় যে প্ৰধানমন্ত্ৰীয়ে সমগ্ৰ ভাৰতীয় সমাজৰ হৈ নিজৰ আৱেগ প্ৰকাশ কৰে।

ৰিজিজুৱে কয় যে যেতিয়া ভাৰতীয় মূলৰ এজন পাইলটে নিজৰ জীৱন বিপন্ন কৰি অসাধাৰণ সাহস প্ৰদৰ্শন কৰে তেতিয়া সমগ্ৰ বিশ্বই তেওঁক প্ৰশংসা কৰে। এনে পৰিস্থিতিত এজন ভাৰতীয় হিচাপে গৌৰৱ অনুভৱ কৰাটো স্বাভাৱিকতে।

কেন্দ্ৰীয় মন্ত্ৰীগৰাকীয়ে কয় যে যেতিয়াই কোনো ভাৰতীয়ই কোনো অসাধাৰণ কৃতিত্ব প্ৰদৰ্শন কৰে আৰু বিশ্বক দেখুৱায় যে ভাৰতীয়ই আনক বচাবলৈ নিজৰ প্ৰাণ বিপন্ন কৰিবলৈ ইচ্ছুক, সেয়া সমগ্ৰ জাতিটোৰ বাবে গৌৰৱৰ বিষয়।

তেওঁ কয় যে ফ্লাইডুবাই কাণ্ডত পাইলটজনে যি সাহস প্রদর্শন কৰিছিল আৰু আনক বচাবলৈ তেওঁ যি ৰিস্ক লৈছিল, সেইখিনিয়ে ভাৰতীয়ৰ সাহস আৰু মানৱীয় মনোভাৱৰ প্রতিফলন ঘটায় ৷

--------------

হিন্দুস্থান সমাচাৰ / অৰৱিন্দ