কাঠমাণ্ডু, ০৯ জানুৱাৰী (হি.স.)। ভাৰতীয় অভিনেতা সঞ্জয় দত্ত বৃহস্পতিবাৰে সন্ধিয়া বিশেষ বিমানযোগে নেপালৰ ৰাজধানী কাঠমাণ্ডুত উপস্থিত হয়। ত্ৰিভুৱন আন্তঃৰাষ্ট্ৰীয় বিমানবন্দৰত তেওঁক আদৰণি জনাবলৈ বহু সংখ্যক অনুৰাগী আৰু নেপালী চলচ্চিত্ৰ ব্যক্তিত্ব উপস্থিত থাকে।

বহু প্ৰত্যাশিত হিন্দী-নেপালী চলচ্চিত্ৰ প্ৰকল্প আৰু ব্যক্তিগত ব্যৱসায়িক অনুষ্ঠানত অংশগ্ৰহণৰ বাবে কাঠমাণ্ডুত উপস্থিত হৈছে সঞ্জয় দত্ত। শুকুৰবাৰে কাঠমাণ্ডুৰ দৰবাৰ পথৰ পাঁচ তাৰকাযুক্ত হোটেল বৰাহীত নতুনকৈ নিৰ্মিত বাদশ্বাহ কেচিনো উদ্বোধন কৰাৰ কথা। তেওঁৰ দলটোৱে উল্লেখ কৰিছে যে তেওঁ দুদিন থাকিব।

বিমানবন্দৰত সংবাদ মাধ্যমৰ সৈতে হোৱা এক চমু বাৰ্তালাপত সঞ্জয় দত্তই কয় যে নেপাললৈ আহিলে তেওঁ সদায় এক বিশেষ আনন্দ অনুভৱ কৰে। নেপালৰ দৰ্শকৰ প্ৰতি কৃতজ্ঞতা প্ৰকাশ কৰি তেওঁ কয় যে নেপালৰ সৈতে তেওঁৰ আৱেগিক সম্পৰ্ক আছে আৰু ভৱিষ্যতে নেপালী চলচ্চিত্ৰ উদ্যোগৰ সৈতে কাম কৰিব বিচাৰে। সঞ্জয় দত্তৰ এই ভ্ৰমণে নেপাল আৰু ভাৰতৰ চলচ্চিত্ৰ উদ্যোগৰ মাজত সহযোগিতা আৰু অধিক শক্তিশালী কৰিব পাৰে বুলি চলচ্চিত্ৰ উদ্যোগৰ বিশেষজ্ঞসকলে ধাৰণা কৰিছে ।

हिन्दुस्थान समाचार / মনোজ কুমাৰ শইকীয়া