নতুন দিল্লী, ০৫ জানুৱাৰী (হি.স.)। আমেৰিকাই শুল্ক বৃদ্ধিৰ ভাবুকিৰ মাজতে কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেলে এই সপ্তাহত ব্ৰাছেলছ ভ্ৰমণ কৰি ইউৰোপীয় সংঘৰ সমকক্ষৰ সৈতে ভাৰত-ইউৰোপীয় ইউনিয়নৰ প্ৰস্তাৱিত বাণিজ্য চুক্তিৰ বিষয়ে চৰ্চা কৰিব।

সোমবাৰে চৰকাৰী সূত্ৰই প্ৰকাশ কৰা অনুসৰি মঙলবাৰে নিশা ব্ৰাছেলছলৈ ৰাওনা হ’ব মন্ত্ৰী পীয়ুষ গোৱেলে। ৮ আৰু ৯ জানুৱাৰীত দুদিনীয়া আনুষ্ঠানিক ভ্ৰমণৰ সময়ত গোৱালে ইউৰোপীয় ইউনিয়নৰ কাৰ্যবাহী উপ-সভাপতি তথা ইউৰোপীয় বাণিজ্য আয়ুক্ত মাৰ’ছ চেফকোভিচৰ সৈতে সাক্ষাৎ কৰিব।

ব্ৰাছেলছত উপস্থিত হোৱাৰ পূৰ্বে গোৱালে লিচেনষ্টাইনত ৰৈ বাণিজ্য আৰু বিনিয়োগৰ সম্পৰ্ক উন্নত কৰাৰ বিষয়ে আলোচনা কৰিব। এই ভ্ৰমণত গোৱালৰ লগত যাব বাণিজ্য সচিব ৰাজেশ আগৰৱালাই। বহু প্ৰত্যাশিত ভাৰত-ইউৰোপীয় ইউনিয়নৰ বাণিজ্য চুক্তিৰ আলোচনা চূড়ান্ত পৰ্যায়ত আছে।

মন কৰিবলগীয়া যে লিচেনষ্টাইন ইউৰোপীয় মুক্ত বাণিজ্য সংস্থা (ইএফটিএ)ৰ সদস্য। ভাৰত আৰু ই এফ টি এ ২০২৫ চনৰ ১ অক্টোবৰৰ পৰা কাৰ্যকৰী হোৱাকৈ মুক্ত বাণিজ্য চুক্তিত স্বাক্ষৰ কৰে। ই এফ টি এৰ আন সদস্য দেশসমূহৰ ভিতৰত আছে আইচলেণ্ড, লিচেনষ্টাইন, নৰৱে আৰু ছুইজাৰলেণ্ড।

हिन्दुस्थान समाचार / মনোজ কুমাৰ শইকীয়া