জাকাৰ্টা, ২২ জানুৱাৰী (হি.স.)। ভাৰতীয় শ্বাটলাৰ পি.ভি. সিন্ধু আৰু লক্ষ্য সেনে আকৰ্ষণীয় প্ৰদৰ্শন আগবঢ়াই বৃহস্পতিবাৰে ইণ্ডোনেছিয়া মাষ্টাৰছ ২০২৬ বেডমিণ্টন প্ৰতিযোগিতাত নিজ নিজ প্ৰি-কোৱাৰ্টাৰ ফাইনেল মেচত জয়লাভ কৰি কোৱাৰ্টাৰ ফাইনেলত প্ৰৱেশ কৰে।

পুৰুষৰ একক শাখাত লক্ষ্য সেনে হংকঙৰ জেছন গুনাৱানক পোনপটীয়াকৈ ২১-১০, ২১-১১ পইন্টত পৰাস্ত কৰে। আধা ঘণ্টাৰ অলপ বেছি সময় চলি থকা মেচখন আৰম্ভণিৰ পৰা শেষলৈকে সম্পূৰ্ণ নিয়ন্ত্ৰণ বজাই ৰাখিছিল।

ইফালে দুবাৰৰ অলিম্পিক পদক বিজয়ী পি.ভি. সিন্ধুৱে মহিলাৰ একক ৰাউণ্ডৰ ১৬ত ডেনমাৰ্কৰ লাইন কিৰফেল্ডক ২১-১৯, ২১-১৮ পইন্টত পৰাস্ত কৰে । ৪৩ মিনিটৰ খেলখনত সিন্ধুৱে গুৰুত্বপূৰ্ণ মুহূৰ্তত স্থিৰতা প্ৰদৰ্শন কৰি জয় নিশ্চিত কৰে। কিৰফেল্ডৰ বিৰুদ্ধে ছখন মেচত সিন্ধুৰ এয়া আছিল পঞ্চমটো জয়।

কোৱাৰ্টাৰ ফাইনেলত সিন্ধুৰ মুখামুখি হ’ব প্ৰতিযোগিতাখনৰ শীৰ্ষ বাচনিৰ আৰু বিশ্বৰ চতুৰ্থ নম্বৰ চীনৰ চেন ইউ ফেই। এতিয়ালৈকে দুয়োগৰাকী খেলুৱৈয়ে ১৩খন মেচ খেলিছে, চেন ইউ ফেইয়ে ৭-৬ ত সামান্য অগ্ৰগতি লাভ কৰিছে।

২০১৯ চনত চেন ইউ ফেইৰ বিৰুদ্ধে সিন্ধুৱে শেষ জয় লাভ কৰিছিল, আৰু এই অভিলেখ উন্নত কৰাৰ উদ্দেশ্যেৰে তেওঁ কোৱাৰ্টাৰ ফাইনেলত প্ৰৱেশ কৰিব।

हिन्दुस्थान समाचार / অৰৱিন্দ