তেহৰাণ, ১০ জানুৱাৰী (হি.স.)। ইৰাণৰ উচ্চতম নেতা আয়াতুল্লাহ খামেনেয়ে আমেৰিকাৰ ৰাষ্ট্ৰপতি ড’নাল্ড ট্ৰাম্পৰ বিৰুদ্ধে কঠোৰ মন্তব্য কৰি কয় যে অহংকাৰী শাসকসকলে ক্ষমতাৰ শিখৰত উপনীত হলেই তেওঁলোকৰ পতন আৰম্ভ হয় । মহম্মদ ৰেজা পহলৱীৰ কথা উল্লেখ কৰি তেওঁ কয় যে তেওঁৰ দৰে অহংকাৰী শাসকসকলেও নিজৰ অহংকাৰৰ শিখৰত উপনীত হোৱাৰ পিছত পতনৰ সন্মুখীন হ’বলগীয়া হৈছে, আৰু ট্ৰাম্পেও একে ভাগ্যৰ সন্মুখীন হ’ব। ইফালে ইৰাণৰ প্ৰাক্তন শ্বাহৰ নিৰ্বাসিত পুত্ৰ ৰেজা পহলৱীয়ে আমেৰিকাৰ ৰাষ্ট্ৰপতিক ইৰাণত হস্তক্ষেপ কৰিবলৈ সাজু হ’বলৈ আহ্বান জনাইছে। ইৰাণৰ বিশৃংখলতাৰ মাজতে ট্ৰাম্পে উল্লেখ কৰিছে যে তাত পৰিস্থিতিৰ ওপৰত তীক্ষ্ণ দৃষ্টি ৰখা হৈছে।

ইৰাণৰ উচ্চতম নেতা খামেনেইয়ে সামাজিক মঞ্চ এক্সত কঠোৰ মন্তব্য কৰি কয় যে বিশ্বৰ অত্যাচাৰী আৰু অহংকাৰী শাসকসকলে যেতিয়া তেওঁলোকৰ অহংকাৰৰ শিখৰত আছিল তেতিয়া তেওঁলোকৰ অন্ত পৰিছিল আৰু আপোনাৰো পতন ঘটিব। তেওঁ তেহৰাণ আৰু অন্যান্য চহৰত হোৱা লণ্ড ভণ্ড কৰা কাৰ্যক তীব্ৰ গৰিহণা দিয়ে আৰু ইয়াৰ বাবে প্ৰতিবাদকাৰীক দোষাৰোপ কৰে। তেওঁ দাবী কৰে যে আমেৰিকাৰ ৰাষ্ট্ৰপতিক সন্তুষ্ট কৰিবলৈ একাংশ লোকে নিজৰ দেশৰ ক্ষতি কৰিছে।

ইয়াৰ পূৰ্বে প্ৰাক্তন শ্বাহৰ নিৰ্বাসিত পুত্ৰ ৰেজা পহলৱীয়ে আমেৰিকাৰ ৰাষ্ট্ৰপতিক ইৰাণত হস্তক্ষেপৰ বাবে সাজু হৈ থাকিবলৈ আহ্বান জনাই তেওঁৰ সমৰ্থন বিচাৰে । তেওঁ এক্স পোষ্টত কয় যে ইৰাণৰ জনসাধাৰণে ৰাজপথলৈ ওলাই আহি প্ৰতিবাদ কৰিব আৰু সময়টো অতি গুৰুত্বপূৰ্ণ বুলি কয়। তেওঁ ট্ৰাম্পক কয় যে খামেনেইৰ অপৰাধমূলক শাসন ব্যৱস্থাৰ বিৰুদ্ধে তেওঁৰ ভাবুকিই চৰকাৰৰ গুণ্ডাসকলক ক্ষতিগ্ৰস্ত কৰি ৰাখিছে আৰু সময়টো অতি গুৰুত্বপূৰ্ণ।

এই সমগ্ৰ ঘটনাৰ সময়ছোৱাত আমেৰিকাৰ ৰাষ্ট্ৰপতিয়ে পুনৰবাৰ ইৰাণক ভাবুকি দি কয় যে যদি প্ৰতিবাদকাৰীক হত্যা কৰা হয় তেন্তে আমেৰিকাই হস্তক্ষেপ কৰি য’ত বেছি আঘাত পায় তাতেই আক্ৰমণ কৰিব। তেওঁ উল্লেখ কৰে যে আমেৰিকাই পৰিস্থিতিৰ ওপৰত তীক্ষ্ণ দৃষ্টি নিৰীক্ষণ কৰি আছে।

ইৰাণীসকলৰ দুৰ্বল অৰ্থনীতি, আকাশলংঘী মুদ্ৰাস্ফীতি আৰু হ্ৰাস পোৱা মুদ্ৰা মুল্য়ৰ বিৰুদ্ধে বিক্ষোভ সমগ্ৰ দেশতে বিয়পি পৰিছে। ইৰাণৰ শীৰ্ষ নেতৃত্বৰ বিৰুদ্ধে ৰাজপথত প্ৰতিবাদ সাব্যস্ত কৰিছে বৃহৎ সংখ্যক লোকে। খামেনেই শাসনৰ বিৰুদ্ধে এই প্ৰতিবাদ দেশৰ ৩১ খন প্ৰদেশতে বিয়পি পৰিছে।

নিৰাপত্তা বাহিনীৰ দমন আৰু ব্যাপক ইণ্টাৰনেট অৱৰোধৰ মাজতো তেহৰাণ, মাছহাদ আৰু অন্যান্য ডাঙৰ চহৰত হাজাৰ হাজাৰ লোক ৰাজপথলৈ ওলাই আহিছে। যোৱা বছৰৰ ২৮ ডিচেম্বৰৰ পৰা তেহৰাণৰ মূল বজাৰসমূহত দেশখনৰ মুদ্ৰা ৰিয়েলে অভিলেখ সৃষ্টি কৰা এই প্ৰতিবাদ। এই প্ৰতিবাদৰ ভিতৰত ৰেজা পহলৱীৰ সমৰ্থনত শ্লোগান দি বৃহৎ সংখ্যক ৰাজতন্ত্ৰবাদী সমৰ্থক প্ৰতিবাদকাৰীয়েও প্ৰতিবাদ সাব্যস্ত কৰে।

हिन्दुस्थान समाचार / মনোজ কুমাৰ শইকীয়া