সুকমা, ০৩ ছেপ্টেম্বৰ (হি.স.)। ছত্তীশগড়ৰ চুকমাত আত্মসমৰ্পণ কৰিছে ২০ জন নক্সালবাদীয়ে। ইয়াৰ ভিতৰত আছে ৯ গৰাকী মহিলা আৰু ১১ গৰাকী পুৰুষ নক্সাল। আত্মসমৰ্পণ কৰাসকলৰ ভিতৰত পিএলজিএ বেটেলিয়ন (মাওবাদী সংগঠন)ৰ এগৰাকী সক্ৰিয় হাৰ্ডকোৰ মহিলা নক্সালবাদীও আছে। আটাইকেইজনৰ ওপৰত মুঠ ৩৩ লাখ টকাৰ পুৰস্কাৰ ঘোষণা কৰা হৈছিল। ইয়াৰ ভিতৰত দুজন নক্সালবাদীক ৮ লাখ টকাকৈ, এজন নক্সালবাদীক ৫ লাখ টকা, চাৰিজন নক্সালবাদীক ২ লাখ টকাকৈ আৰু আন ৪ জন নক্সালবাদীক ১ লাখ টকাকৈ পুৰস্কাৰ ঘোষণা কৰা হৈছিল।

সুকমা আৰক্ষী অধীক্ষকৰ কাৰ্যালয়ে দিয়া তথ্য অনুসৰি ছত্তীশগড় চৰকাৰৰ ছত্তীশগড় নক্সালবাদী আত্মসমৰ্পণ পুনৰ্বাসন নীতি আৰু নিয়াদ নেল্লা নৰ আঁচনিৰ প্ৰভাৱত পৰি অতি স্পৰ্শকাতৰ অভ্যন্তৰীণ অঞ্চলত অবিৰতভাৱে শিবিৰ স্থাপনৰ বাবে আৰক্ষী আৰু নক্সাল হিংসাৰ ক্ৰমবৰ্ধমান প্ৰভাৱত বিৰক্ত হৈ এই নক্সালবাদীসকলে আত্মসমৰ্পণ কৰিছে। আৰক্ষী অধীক্ষক কাৰ্যালয় সুকমাত এছ পি কিৰণ চাৱন, ডি আই জি অফিচ সুকমা ছেকেণ্ড কমাণ্ড অফিচাৰ সুৰেশ সিং পায়াল, এ এছ পি অভিষেক ভাৰ্মা, এ এছ পি নক্সাল অপ্ছ মনীষ ৰাত্ৰে, এছ ডি অ’ পি পাৰ্মেশ্বৰ তিলাকৱাৰৰ সন্মুখত অস্ত্ৰ অবিহনে আত্মসমৰ্পণ কৰে নক্সালবাদীয়ে। জিলা বাহিনী, ডি আৰ জি সুকমা, জেৰা কোষ, চোৰাংচোৱা শাখা, ৰেঞ্জ ফিল্ড টিম (আৰ এফ টি) কন্টা, চি আৰ পি এফ ১১১, ২১৭, ২১৮, ২২৬ বেটেলিয়ন আৰু কোব্ৰা ২০৩ বেটেলিয়নৰ তথ্য শাখাৰ জোৱানসকলে নক্সালবাদীসকলক আত্মসমৰ্পণ কৰিবলৈ উৎসাহিত কৰাত বিশেষ ভূমিকা পালন কৰিছে। চৰকাৰৰ নতুন পুনৰ্বাসন নীতি ছত্তীশগড় নক্সালবাদী আত্মসমৰ্পণ পুনৰ সংস্থাপন নীতি -২০২৫ৰ অধীনত সকলো আত্মসমৰ্পণ নক্সালবাদীক ৫০-৫০ হাজাৰ টকাৰ হাৰত উৎসাহমূলক ধন আৰু অন্যান্য সুবিধা প্ৰদান কৰা হ'ব।

हिन्दुस्थान समाचार / মনোজ কুমাৰ শইকীয়া