- আই আই টি কানপুৰত মুখ্যমন্ত্ৰীয়ে উদ্বোধন কৰে ‘সমন্বয়’ কাৰ্যসূচী

- ডিপ টেক ইণ্ডিয়া সন্দৰ্ভত এক ফলপ্ৰসূ শীৰ্ষ সন্মিলনৰ প্ৰয়োজন: মুখ্যমন্ত্ৰী

কানপুৰ, ০৩ ছেপ্টেম্বৰ (হি.স.)। আই আই টি কানপুৰৰ ‘সমন্বয়’ৰ পৰা উদ্যোগ-শৈক্ষিক সংযোগ কাৰ্যসূচীত ডিপ টেক সন্দৰ্ভত মুখ্যমন্ত্ৰী যোগী আদিত্যনাথে ডাঙৰ ঘোষণা কৰে। তেওঁ কয় যে ৰাজ্যখনক ইণ্ডিয়া ডিপ টেক ২০২৫ৰ কেন্দ্ৰ হিচাপে গঢ়ি তোলাৰ দিশত সুনিৰ্দিষ্ট পদক্ষেপ গ্ৰহণ কৰা উচিত। ইয়াৰ বাবে ডিপ টেকৰ ওপৰত এক ফলপ্ৰসূ শীৰ্ষ সন্মিলনৰ আয়োজন কৰাটো প্ৰয়োজন, যাতে গৱেষণা আৰু উদ্ভাৱনে নতুন দিশ লাভ কৰিব পাৰে। আই আই টি কানপুৰক ডিপ টেক উদ্ভাৱনৰ মূল কেন্দ্ৰ হিচাপে গঢ়ি তোলা হ’ব।

বুধবাৰে কানপুৰত ইণ্ডিয়ান ইনষ্টিটিউট অৱ টেকন’লজিৰ ‘সমন্বয়’ৰ পৰা উদ্যোগ-শৈক্ষিক সংযোগ কাৰ্যসূচী উদ্বোধন কৰাৰ পিছত মুখ্যমন্ত্ৰী যোগী আদিত্যনাথে ভাষণ প্ৰদান কৰে। মুখ্যমন্ত্ৰীয়ে কয় যে আমি ভাৰতৰ প্ৰথম ‘ডিপ টেক ইণ্ডিয়া ২০২৫’ হোৱাৰ দিশত আগবাঢ়িব লাগে, ইয়াৰ বাবে এটা ভাল শীৰ্ষ সন্মিলন হ’ব লাগে, য’ত ডিপ টেক ইণ্ডিয়াৰ ওপৰত কংক্ৰিটৰ কাম কৰিব পৰা যাব। আই আই টি কানপুৰক কেন্দ্ৰ কৰি লোৱা উচিত। ইয়াৰ সমান্তৰালকৈ ষ্টাৰ্টআপৰ প্ৰচাৰ আৰু যুৱক-যুৱতীসকলক বিশ্বব্যাপী কাৰিকৰী প্ৰতিযোগিতাৰ বাবে প্ৰস্তুত কৰাত বিশেষ গুৰুত্ব দিয়া হ’ব, যাতে উত্তৰ প্ৰদেশে অনাগত সময়ত প্ৰযুক্তিগত বিপ্লৱৰ পথ প্ৰদৰ্শক হ’ব পাৰে।

গৌতম বুদ্ধ নগৰ জিলাতো ইয়াৰ বাবে ৰাজ্য চৰকাৰে মাটি আবণ্টন দিছে বুলিও তেওঁ কয়। তেওঁ কয় যে মই বিচাৰিম আই আই টি কানপুৰে ইয়াৰ নেতৃত্ব দিয়ক, যাতে ই আজিৰ প্ৰত্যাহ্বানৰ দিশত সমগ্ৰ দেশক নতুন নেতৃত্ব দিবলৈ সক্ষম হয়। যুৱক-যুৱতীসকলৰ মনত থকা আশংকা আঁতৰোৱাৰ সামৰ্থ্য আছে আই আই টি কানপুৰত। ইয়াৰ বাবে ডি আৰ ডি অ’, ইছৰো আৰু অন্যান্য প্ৰতিষ্ঠানৰ সহযোগিতাও ল’ব পাৰি।

हिन्दुस्थान समाचार / মনোজ কুমাৰ শইকীয়া