চুৰাচান্দপুৰ (মণিপুৰ), ১৫ ছেপ্টেম্বৰ (হি.স.)। মণিপুৰৰ চুৰাচান্দপুৰ জিলাত ১৪ ছেপ্টেম্বৰৰ নিশা পুনৰবাৰ হিংসাত্মক পৰিস্থিতিৰ উদ্ভব হয়। অজ্ঞাত দুষ্কৃতিকাৰীয়ে কেইবাজনো কুকি-জো নেতাৰ বাসগৃহত অগ্নি সংযোগ কৰে ।
এই আক্ৰমণৰ সময়ত কুকি নেচনেল অৰ্গেনাইজেশ্যনৰ বিদেশ সচিব কেলভিনৰ ঘৰ সম্পূৰ্ণৰূপে জুইৰ লেলিহান শিখাই আগুৰি ধৰে। সেই নিশা চুক্তিৰ সৈতে জড়িত আন এজন নেতাৰ বাসগৃহও জ্বলাই দিয়া হয়।
যোৱা ১২ ছেপ্টেম্বৰত চৰকাৰী সা-সম্পত্তিৰ ক্ষতি কৰাৰ অভিযোগত দুজন লোকক গ্ৰেপ্তাৰ কৰাক লৈ জিলাখনত ব্যাপক প্ৰতিবাদৰ সৃষ্টি হোৱা সময়ত এই ঘটনা সংঘটিত হয়। এই ঘটনা পোহৰলৈ আহিছিল প্ৰধানমন্ত্ৰী নৰেন্দ্ৰ মোদীৰ ৰাজ্য ভ্ৰমণৰ পিছতেই।
কুকি-জো সমন্বয় সমিতি আৰু খিলঞ্জীয়া জনজাতি নেতা মঞ্চৰ মুখপাত্ৰ গিঞ্জা ৱুয়ালজংৰ বাসগৃহকো লক্ষ্য কৰি দুৰ্বৃত্তই লক্ষ্য কৰি লয় যদিও স্থানীয় লোক আৰু যুৱক-যুৱতীসকলৰ তৎপৰতাৰ বাবে অগ্নিসংযোগৰ চেষ্টা বিফল হয়।
লগে লগে নিৰাপত্তা বাহিনী আৰু সেনা জোৱান উপস্থিত হৈ অঞ্চলটো ঘেৰাও কৰে। ক্ৰমবৰ্ধমান উত্তেজনাৰ পৰিপ্ৰেক্ষিতত প্ৰশাসনে সমগ্ৰ চুৰাচান্দপুৰত যাতে পৰিস্থিতি আৰু অধিক অৱনতি নঘটে তাৰ বাবে চোৰাংচোৱাগিৰি কটকটীয়া কৰিছে।
हिन्दुस्थान समाचार / মনোজ কুমাৰ শইকীয়া