মৰিগাঁও, ০৫ আগষ্ট (হি.স.)। মৰিগাঁও জিলাৰ মৈৰাবাৰীৰ আৰক্ষীৰ ড্ৰাগছ বিৰোধী অভিযান। ড্ৰাগছ সহ গ্ৰেপ্তাৰ দুই ড্ৰাগছ সৰবৰাহকাৰী।আশ্চৰ্যক জনক ভাৱে ধৃত দুই সৰবৰাহকাৰীয়ে চৰকাৰে মেধাৱী ছাত্ৰীক প্ৰদান কৰা স্কুটি ব্যৱহাৰ কৰিছে ড্ৰাগছ সৰবৰাহত।

ড্ৰাগছ সৰবৰাহকাৰী দুজন হ'ল আব্দুল ৰহমান আৰু আবু বক্কৰ চিদ্দিক । মৰিগাঁও জিলাৰ আৰক্ষীৰ চোৰাংচোৱা আৰু ভেলোগুৰি আৰক্ষী থানাৰ

অভিযানত গ্ৰেপ্তাৰ হয় এই দুই ড্ৰাগছ সৰবৰাহকাৰী।

দুই ড্ৰাগছ সৰবৰাহকাৰীৰ পৰা আৰক্ষীয়ে ৩ টা ড্ৰাগছ ভৰ্তি চাবোনৰ বাকচ জব্দ কৰে যাৰ বজাৰ মূল্য প্ৰায় ২লাখ ৭০ হাজাৰ টকা হ'ব বুলি জানিবলৈ দিয়ে আৰক্ষীয়ে। আনহাতে দুখন চৰকাৰী স্কুটিৰ লগতে মোবাইল ফোন দুটাও জব্দ কৰে আৰক্ষীয়ে। ইপিনে অধিক তথ্যৰ বাবে দুই সৰবৰাহকাৰীক জেৰা অব্যাহত ৰাখিছে আৰক্ষীয়ে ।

হিন্দুস্থান সমাচাৰ / Narayan Kar