ধুবুৰী, ০৫ আগষ্ট (হি.স.)। চাপৰ-শালকোচা উন্নয়ন খণ্ডৰ অন্তৰ্গত ৰঙামাটি গাঁও পঞ্চায়ত আৰু ফলিমাৰী-কৃষ্ণকলি গাঁও পঞ্চায়ৰ নৱ-নিৰ্বাচিত প্ৰতিনিধি সকলৰ দায়িত্ব গ্ৰহণ অনুষ্ঠানত উপস্থিত অসম চৰকাৰৰ বিপণন নিগমৰ অধ্যক্ষ তথা বিলাসীপাৰা পূৱ সমষ্টিৰ প্ৰাক্তন বিজেপি বিধায়ক ডঃ অশোক কুমাৰ সিংহী। উপস্থিত হৈ নৱ-নিৰ্বাচিত পঞ্চায়ত প্ৰতিনিধি সকলক আগন্তুক কৰ্মৰাজিৰ বাবে আন্তৰিক শুভেচ্ছা জ্ঞাপন কৰাৰ লগতে দুৰ্নীতি মুক্তভাৱে পঞ্চায়তৰ কাম-কাজ চলাই নিবলৈ আহ্বান জনায়।
উক্ত অনুষ্ঠানত ভাৰতীয় জনতা পাৰ্টীৰ বিলাসীপাৰা জিলা সমিতিৰ সাধাৰণ সম্পাদক ৰমেশ ৰায়, ভাৰতীয় জনতা পাৰ্টীৰ চাপৰ-বহলপুৰ মণ্ডল সভাপতি ধনঞ্জয় ৰায়,শালকোচা জিলা পৰিষদৰ সদস্য প্ৰতুল চন্দ্ৰ বৰ্মন, চাপৰ-শালকোচা আঞ্চলিক পঞ্চায়তৰ সভাপতি বাবু হিতু ৰায়, বিলাসীপাৰা পৌৰসভাৰ উপ পৌৰপতি চন্দন দাসৰ লগতে পঞ্চায়ত প্ৰতিনিধি সকল আৰু স্থানীয় ৰাইজ উপস্থিত থাকে।
হিন্দুস্থান সমাচাৰ / Narayan Kar
