নতুন দিল্লী, ০৫ আগষ্ট (হি.স.)। প্ৰধানমন্ত্ৰী নৰেন্দ্ৰ মোদীয়ে আজি ভাৰতীয় জনতা পাৰ্টি নেতৃত্বাধীন ৰাষ্ট্ৰীয় গণতান্ত্ৰিক মিত্ৰজোঁটৰ সাংসদসকলৰ সংসদীয় বৈঠকত ভাষণ দিব। বহুদিনৰ মূৰত অনুষ্ঠিত হৈ থকা এই বৈঠকত গুৰুত্বপূৰ্ণ বিষয়সমূহৰ ওপৰত আলোচনা হোৱাৰ সম্ভাৱনা আছে। সংসদৰ বাৰিষা অধিৱেশনত অবিৰত হুলস্থুল আৰু উপ-ৰাষ্ট্ৰপতি নিৰ্বাচনৰ সৈতে জড়িত চলি থকা কাৰ্যকলাপৰ মাজতে শাসকীয় মিত্ৰজোঁটৰ এই বৈঠক অতি গুৰুত্বপূৰ্ণ বুলি বিবেচিত হৈছে।
সংসদৰ বাৰিষা অধিৱেশনত বিহাৰ ভোটাৰ তালিকা পুনৰীক্ষণক লৈ চলি থকা অচলাৱস্থাৰ মাজতে আজি পুৱা ৯:৩০ বজাত এন ডি এৰ সংসদীয় দলৰ বৈঠকত ভাষণ দিব প্ৰধানমন্ত্ৰী মোদীয়ে। চলিত অধিৱেশনৰ এইখনেই প্ৰথম এনে বৈঠক য’ত শাসকীয় মিত্ৰজোঁটৰ সকলো সাংসদ উপস্থিত থাকিব।
সংসদৰ বাৰিষা অধিৱেশনত নিৰ্বাচন আয়োগৰ কথিত পক্ষপাতিত্বমূলক ভূমিকাকে ধৰি বিভিন্ন বিষয়ত বিৰোধী সদস্যসকলে সৰৱ হৈ থকাৰ সময়তে এই বৈঠক অনুষ্ঠিত হৈছে। এইবোৰ বিষয়ত এন ডি এৰ সাংসদসকলৰ সৈতে বিৰোধীৰ অভিযোগৰ প্রত্যুত্তৰ দিয়াৰ কৌশলৰ বিষয়ে মোদীয়ে আলোচনা কৰিব পাৰে ৷
অহা ৭ আগষ্টৰ পৰা আৰম্ভ হ’বলগীয়া উপ-ৰাষ্ট্ৰপতি নিৰ্বাচনৰ মনোনয়ন প্ৰক্ৰিয়াৰ কেইদিনমান পূৰ্বে এন ডি এৰ এই বৈঠক অনুষ্ঠিত হৈছে। ২১ আগষ্টৰ ভিতৰত এন ডি এয়ে নিজৰ প্ৰাৰ্থী ঘোষণা কৰিব লাগিব।
এই বৈঠকত বিজেপিৰ সমান্তৰালকৈ টিডিপি, জেডিইউ আৰু এলজেপি (ৰাম বিলাস)ৰ দৰে মিত্ৰ দলৰ সাংসদসকলেও অংশগ্ৰহণ কৰিব।
हिन्दुस्थान समाचार / মনোজ কুমাৰ শইকীয়া
