ধুবুৰী, ০৫ আগষ্ট (হি.স.)। ধুবুৰীৰ চৰ খলিচামাৰীত অবৈধ ড্ৰাগছৰ বিৰুদ্ধে গোলকগঞ্জ আৰক্ষীয়ে বৃহৎ অভিযান চলায়। অভিযানটোত বৃহৎ পৰিমাণৰ নিষিদ্ধ ড্ৰাগছ সহ এজন কুখ্যাত সৰবৰাহকাৰী আটক কৰা হয় ।
আজি পুৱতি নিশা এক গোপন সূত্ৰৰ আধাৰত গোলকগঞ্জ থানাৰ ভাৰপ্ৰাপ্ত বিষয়া দেৱজিত কলিতাৰ নেতৃত্বত যোৱা আৰক্ষীৰ এটি দলে অসম বংগ সীমান্তৰ চৰ খলিচামাৰীৰ আচৰ উদ্দিন মণ্ডল নামৰ কুখ্যাত ড্ৰাগছ মাফিয়া জনৰ ঘৰত চলায় অভিযান। অভিযানটোত ব্ৰাউন সুগাৰৰ ৫ টাকৈ চাবোন বাকচ, ৩৮ টাকৈ ব্ৰাউন ছুগাৰ ভৰ্তি কন্টেইনাৰ, ৮০ টাকৈ নিচাযুক্ত য়াবা টেবলেট, নগদ ধন ৩ লাখ ২ হাজাৰ ৪০০ টকা, এখন ডব্লিউবি ৬৪ এডি ৫৭১৬ নম্বৰৰ নিচান মেগনেট চাৰি চকীয়া বিলাসী বাহন, ডব্লিউবি ৬৪ জে ৭১৯৪ নম্বৰৰ গ্লেমাৰ বাইক, ৩ টাকৈ মোবাইল ফোন জব্দ কৰে। অভিযানটোত আৰক্ষীয়ে কুখ্যাত ড্ৰাগছ মাফিয়া আচৰ উদ্দিন মণ্ডলকো আটক কৰিবলৈ সক্ষম হয়।
---------------
হিন্দুস্থান সমাচাৰ / প্ৰকাশ ডেকা