যোৰহাট, ০৫ আগষ্ট (হি.স.)। মুম্বাই কাৰ্ণিভেল ২০২৫ আৰু বলিউডৰ আইকন ষ্টাৰলৈ নিৰ্বাচিত হৈছে অসম তথা যোৰহাটৰ সন্তান বিদিশা বৰা l
নৃত্যৰ জড়িয়তে অসম তথা যোৰহাট লৈ সু খৱৰ কঢ়িয়াই আনিলে নৱোদয় বিদ্যাপীঠৰ চতুৰ্থ শ্ৰেণীৰ ছাত্ৰী বিদিশা বৰাই।
যোৰহাট চেনিজান অঞ্চলৰ আঁহত গুৰিৰ বাসিন্দা বিদিশাই গুৱাহাটীৰ জ্যোতি চিত্ৰবনত সদৌ অসম ভিত্তিত অনুষ্ঠিত হোৱা এক প্ৰতিভা সন্ধানমূলক নৃত্য প্ৰতিযোগিতাত অংশগ্ৰহণ কৰি শ্ৰেষ্ঠ বঁটা লাভ কৰি মুম্বাই কাৰ্ণিভেল ২০২৫ আৰু বলিউডৰ আইকন ষ্টাৰ লৈ নির্বাচিত হোৱাৰ সুযোগ লাভ কৰিছে।
বিদিশাৰ এই সফলতাৰ আঁৰত আছে তেওঁৰ দুজন নৃত্যগুৰু বিষ্ণু জ্যোতি চিত্ৰকলা বিদ্যালয়ৰ নৱ কৃষ্ণ বৰা আৰু তপন বৰাৰ নিৰন্তৰ পৰিশ্ৰম আৰু সহায়। তেওঁলোকৰ তত্বাবধানত নৃত্য শিক্ষাগ্ৰহণ কৰি বিদিশাই নিজৰ প্ৰতিভা প্ৰকাশ কৰাৰ লগতে ৰাষ্ট্ৰীয় মঞ্চলৈ যাত্ৰাৰ এক গুৰুত্বপূর্ণ পদক্ষেপ আগবঢ়াইছে।
বিদিশা বৰাই এই সফলতা লাভ কৰাৰ পিছত ঘৰত উপস্হিত হোৱাৰ লগে লগে গাঁৱৰ ৰাইজে কনমানি বিদিশাক শুভেচ্ছা জ্ঞাপন কৰে লগতে স্থানীয় লোক সকলে গর্বৰে কৈছে যে বিদিশাই গাঁৱৰ লগতে সমগ্ৰ যোৰহাট তথা অসমলৈ গৌৰৱ কঢ়িয়াই আনিছে। বিদিশা বৰাই পিতৃ-মাতৃয়ে কন্যাৰ এই অনন্য সফলতাৰ বাবে নৃত্যগুৰু দুজনলৈ আন্তৰিক ধন্যবাদ জ্ঞাপন কৰে।
আমিও বিদিশা বৰাৰ উজ্জ্বল ভবিষ্যত কামনা কৰিলো লগতে এনে দৰে নিজ প্ৰতিভাৰ জড়িয়তে প্ৰতিফলিত হৈ প্ৰতিভা সম্পন্ন যুৱক যুৱতী ওলাই আহি নিজ অঞ্চলৰ লগতে অসম তথা যোৰহাটলৈ গৌৰৱ কঢ়িয়াবলৈ আদৰ্শ হৈ ৰব কনমানি বিদিশা বৰা l
হিন্দুস্থান সমাচাৰ / নিৰ্মলেন্দু
