নতুন দিল্লী, ০৪ আগষ্ট (হি.স.)। সোমবাৰে হকী ইণ্ডিয়াই অষ্ট্ৰেলিয়া ভ্ৰমণৰ বাবে ২৪ জনীয়া ভাৰতীয় পুৰুষ হকী দলৰ কথা ঘোষণা কৰে। ১৫ আগষ্টৰ পৰা ২১ আগষ্টলৈকে অষ্ট্ৰেলিয়াৰ পাৰ্থত অনুষ্ঠিত হ’বলগীয়া এই চাৰিখন মেচৰ শৃংখলা। ২৯ আগষ্টৰ পৰা বিহাৰৰ ৰাজগীৰত অনুষ্ঠিত হ’বলগীয়া এছিয়া কাপ (বিশ্বকাপ কোৱালিফায়াৰ)ৰ পূৰ্বে এই ভ্ৰমণক এক গুৰুত্বপূৰ্ণ অনুশীলনৰ সুযোগ বুলি গণ্য কৰা হয়।

তাৰকা ড্ৰেগফ্লিকাৰ আৰু ডিফেণ্ডাৰ হৰমনপ্ৰীত সিঙৰ হাতত অৰ্পণ কৰা হৈছে দলটোৰ কমাণ্ড। কৃষ্ণ পাঠক আৰু সুৰজ কাৰ্কেৰাক গ’লৰক্ষক হিচাপে দলত অন্তৰ্ভুক্ত কৰা হৈছে। ডিফেণ্ডাৰসকলৰ ভিতৰত হৰমনপ্ৰীত, সুমিত, জাৰ্মানপ্ৰীত সিং, সঞ্জয়, অমিত ৰোহিদাস, নীলম সঞ্জীৱ জেছ, জুগ্ৰাজ সিং আৰু কৰ্ণাটকৰ যুৱ খেলুৱৈ পূভানা চিবিয়েও স্থান লাভ কৰিছে।

প্ৰাক্তন অধিনায়ক চৰ্দাৰ সিঙৰ দৰে দেখা গৈছে মিডফিল্ডত সুযোগ লাভ কৰিছে যুৱক ৰাজিন্দৰ সিঙে। তেওঁলোকৰ লগতে ৰাজকুমাৰ পাল, হাৰ্দিক সিং, মনপ্ৰীত সিং, বিবেক সাগৰ প্ৰসাদ, ৰবিচন্দ্ৰ সিং মইৰাংথেম আৰু বিষ্ণু কান্ত সিঙক মিডফিল্ডৰ দায়িত্ব দিয়া হৈছে। ফৰৱাৰ্ড লাইনত নিৰ্বাচিত হৈছে মনদ্বীপ সিং, শীলানন্দ লাকৰা, অভিষেক, সুখজীত সিং, দিলপ্ৰীত সিং, চেলভাম কাৰ্তি আৰু আদিত্য লালগে।

মুখ্য প্ৰশিক্ষক ক্ৰেগ ফুলটনে কয় যে, আমি এছিয়া কাপৰ পূৰ্বে ফিটনেছ আৰু কাৰিকৰী দক্ষতাৰ ওপৰত কাম কৰিবলৈ অষ্ট্ৰেলিয়াৰ পাৰ্থলৈ যাম। আমি কিছুমান যুৱ খেলুৱৈকো সুযোগ দিছো যাতে তেওঁলোকে হেঁচাত নিজকে প্ৰমাণ কৰিব পাৰে। এই ভ্ৰমণ দলীয় আৰু ব্যক্তিগত ছন্দ গঢ়ি তোলাৰ এক ভাল সুযোগ। বৰ্তমান বেংগালুৰুৰ স্প’ৰ্টছ অথৰিটি অৱ ইণ্ডিয়া (এছ এ আই) কমপ্লেক্সত প্ৰশিক্ষণ লৈ থকা ভাৰতীয় দলটোৱে অহা ৮ আগষ্টত অষ্ট্ৰেলিয়ালৈ ৰাওনা হ’ব।

ভাৰতীয় পুৰুষৰ হকী দল:

গ’লৰক্ষক : কৃষণ বি পাঠক, সুৰজ কাৰ্কেৰা।

ডিফেণ্ডাৰ : সুমিত, জাৰ্মানপ্ৰীত সিং, হৰমনপ্ৰীত সিং (অধিনায়ক), সঞ্জয়, অমিত ৰোহিদাস, নীলম সঞ্জীপ এক্সেছ, জুগ্ৰাজ সিং, পূভান্না চি বি।

মিডফিল্ডাৰ : ৰাজিন্দৰ সিং, ৰাজ কুমাৰ পাল, হাৰ্দিক সিং, মনপ্ৰীত সিং, বিবেক সাগৰ প্ৰসাদ, ৰবিচন্দ্ৰ সিং মইৰাংথেম, বিষ্ণু কান্ত সিং।

ফৰৱাৰ্ড : মনদ্বীপ সিং, শিলানন্দ লক্ৰ, অভিষেক, সুখজিৎ সিং, দিলপ্ৰীত সিং, চেলৱম কাৰ্তি, আদিত্য লালাগে।

हिन्दुस्थान समाचार / আলোক চক্ৰৱৰ্তী