শিৱসাগৰ, ০৩ আগষ্ট (হি.স.)। লাকুৱাত সংঘটিত হৈছে মৰেল পুলিচৰ ঘটনা৷সাতজনকৈ লোকক গ্ৰেপ্তাৰ লাকুৱা আৰক্ষীৰ । ৭ জনকৈ পুৰুষে মিলি এজন হত্যাৰ অভিযোগ উত্থাপন হৈছে লাকুৱাত । ৭ জন পুৰুষক আটক কৰি সোধপোছ অব্যাহত ৰাখিছে লাকুৱা আৰক্ষীয়ে৷অবিভক্ত শিৱসাগৰ জিলাৰ লাকুৱাৰ ৰঙাগড়াত বেতনিত সংঘটিত হৈছে এই ভয়ংকৰ ঘটনা ।মৃত ব্যক্তিজনৰ নাম কণক চানাই বুলি জানিব পৰা গৈছে ৷
প্ৰথমে পাৰিবাৰিক কন্দল আৰু পৰৱৰ্তী সময়ত মৰেল পুলিচিংৰ বাবে সংঘটিত হয় ঘটনাতো৷পৰিয়ালৰ অভিযোগ অনুসৰি আগষ্ট ১ তাৰিখ নিশা সংঘটিত হয় এই ঘটনা। পৰিয়ালৰ লোকে ব্যক্তিজনক শনিবাৰে লাকুৱা আদৰ্শ চিকিৎসালয়ত,চৰাইদেউত ভৰ্তি কৰায়৷ শনিবাৰে বিয়লিলৈ চিকিৎসালয়ত ব্যক্তিজনৰ মৃত্যু হয়৷ইতিমধ্যেই লাকুৱা আৰক্ষীয়ে সোধাপোছৰ অন্তত এই সাতজনকৈ ব্যক্তি ক্ৰমে জীতেন ভূমিজ(৪০)সুনিল ভূমিজ(৪৫)বিশাল ভূমিজ(২১)বিপুল সোণাই (৩৫)বিনোদ সোণাই(৩৭)সহদেৱ সোণাই(২৫) কিশান সোণাই(২০) গ্ৰেপ্তাৰ কৰি লাকুৱা পি এছ কেচ নং ৫/২৫ ইউ/এছ ১০৩ (১)/৩(৫) বিএনএছ নম্বৰত গোচৰ ৰুজু কৰি জে’ল হাজোতলৈ প্ৰেৰণ কৰিছে ৷
হিন্দুস্থান সমাচাৰ / কিশোৰ মিশ্ৰ