ধুবুৰী, ৩১ জুলাই (হি.স.): ধুবুৰী জিলাৰ গৌৰীপুৰ আৰক্ষীৰ ড্ৰাগচ বিৰোধী অভিযানত আটক হৈছে তিনিজন। যোৱা কালি বুধবাৰে নিশা গৌৰীপুৰ আৰক্ষী আৰু মধুসৌলমাৰী প্ৰথম খণ্ড ৰাইজৰ সহযোগত এক গোপন খবৰৰ ভিত্তিত নিষিদ্ধ ড্ৰাগচৰ বিৰুদ্ধে অভিযান চলায়। এই অভিযানত বুজন পৰিমাণৰ ড্ৰাগচৰ লগতে তিনিজন সৰবৰাহকাৰীক আটক কৰিবলৈ সক্ষম হয়।

সৰবৰাহকাৰী তিনিজনৰ নাম ক্ৰমে পংকজ দেৱনাথ (২২) ,আবদুল মতলেব (৪১) আৰু ছায়ান সৰকাৰ (২৪) বুলি জানিব পৰা গৈছে। পিছত গৌৰীপুৰ আৰক্ষীয়ে যুৱক তিনিজনক আটক কৰি থানালৈ আনি অধিক তথ্যৰ বাবে তদন্ত অব্যাহত ৰাখিছে।

হিন্দুস্থান সমাচাৰ / কিশোৰ মিশ্ৰ