মুম্বাই, ৩১ জুলাই (হি.স.)। এইবাৰ ২০২৫ চনৰ ২৯ আগষ্টৰ পৰা আৰম্ভ হ’ব প্ৰ’ কাবাডী লীগ (পিকেএল)ৰ ১২ ছিজন। চাৰিখন চহৰ বিশাখাপট্টনম (ভিজাগ), জয়পুৰ, চেন্নাই আৰু দিল্লীত বিয়পি পৰা এই বহু চহৰীয়া ফৰ্মেটে সমগ্ৰ দেশৰ দৰ্শকক শ্ৰেষ্ঠ কাবাডী প্ৰদৰ্শন কৰিব।

মুকলি সপ্তাহান্তৰ সময়সূচীঃ ২৯ আগষ্ট শুকুৰবাৰে ভিজাগৰ ৰাজীৱ গান্ধী ইনড’ৰ ষ্টেডিয়ামত তেলেগু টাইটানছ আৰু তামিল থালাইভাৰ মাজত অনুষ্ঠিত হ’ব প্ৰথমখন খেল। ইয়াৰ পিছত দ্বিতীয়খন খেলত পুনেৰী পল্টনৰ বিৰুদ্ধে খেলিব বেংগালুৰু বুলছ। ৩০ আগষ্ট শনিবাৰে পুনৰবাৰ খেলপথাৰত নামিব তেলেগু টাইটানছ আৰু এইবাৰ ইউ পি যোধছৰ বিৰুদ্ধে খেলিব। একে সময়তে দ্বিতীয়খন খেলত মুখামুখি হ’ব ইউ মুম্বা আৰু গুজৰাট জায়েন্টছ। দেওবাৰে ‘ছুপাৰ ছাণ্ডে’ত তামিল থালাইভাছ আৰু ইউ মুম্বাই হৰ্ণ লক কৰিব, তাৰ পিছতে ডিফেণ্ডিং চেম্পিয়ন হাৰিয়ানা ষ্টিলাৰ্ছে বেংগল ৱাৰিয়ৰ্ছৰ বিৰুদ্ধে খিতাপ ৰক্ষাৰ আৰম্ভণি কৰিব।

ভিজাগৰ ঘৰলৈ প্ৰত্যাৱৰ্তন : পিকেএল ছিজন ১২ৰ বাবে ভিজাগৰ উভতি অহাটো এক ঐতিহাসিক মুহূৰ্ত কাৰণ চহৰখনে সাত বছৰৰ পাছত পুনৰ লীগখন আয়োজন কৰিছে। প্ৰথম, তৃতীয় আৰু ষষ্ঠ ছিজনতো ভিজাগে পিকেএলক আদৰণি জনাইছিল।

জয়পুৰঃ জয়পুৰৰ এছএমএছ ষ্টেডিয়ামৰ ইনড’ৰ হলত অহা ১২ ছেপ্টেম্বৰৰ পৰা আৰম্ভ হ’ব মেচ, য’ত জয়পুৰ পিংক পেন্থাৰছে বেংগালুৰু বুলছৰ বিৰুদ্ধে খেলিব। ইয়াৰ পিছতে তামিল থালাইভা আৰু বেংগল ৱাৰিয়ৰ্ছৰ মাজত সংঘৰ্ষ হ’ব।

চেন্নাইঃ ২৯ ছেপ্টেম্বৰৰ পৰা চেন্নাইৰ এছডিএটি মাল্টিপাৰ্পজ ইনড’ৰ ষ্টেডিয়ামত অনুষ্ঠিত হ’বলগীয়া এই মেচসমূহ। এই লেগত ইউ পি যোধাছৰ বিৰুদ্ধে গুজৰাট জায়েণ্টছৰ বিৰুদ্ধে খেলিব, আৰু দবাং দিল্লী কেচিয়ে হাৰিয়ানা ষ্টিলাৰ্ছৰ বিৰুদ্ধে খেলিব, য’ত নবীন কুমাৰে নিজৰ পূৰ্বৰ দলৰ বিৰুদ্ধে খেলা দেখা যাব।

দিল্লীঃ দিল্লীৰ থ্যাগৰাজ ক্ৰীড়া কমপ্লেক্সত ১৩ অক্টোবৰৰ পৰা আৰম্ভ হ’ব লীগ পৰ্যায়ৰ অন্তিম পৰ্যায়। এই পৰ্যায়ৰ মূল মেচ হ’ব পাটনা পাইৰেটছ বনাম হাৰিয়ানা ষ্টিলাৰ্ছ আৰু ইউ মুম্বা বনাম ইউ পি যোদ্ধাছ। লীগ ৰাউণ্ডৰ সামৰণি পৰিব ট্ৰিপল হেডাৰ (তিনিখন মেচ)ৰ জৰিয়তে, যিয়ে প্লে অফৰ পূৰ্বে অনুৰাগীসকলক কাবাডীক বহু উত্তেজনা প্ৰদান কৰিব। প্লে অফৰ সূচী পিছত ঘোষণা কৰা হ’ব।

লীগৰ আয়ুক্ত অনুপম গোস্বামীয়ে এক বিবৃতিত কয়, ছিজন ১২ প্ৰ' কাবাডী লীগৰ বিকাশৰ এক নতুন অধ্যায়। এইবাৰ মাল্টি চিটি ফৰ্মেটেৰে আমি সমগ্ৰ দেশৰ কাবাডী অনুৰাগীৰ কাষ চাপিছো আৰু একে সময়তে মূল ক্ষেত্ৰসমূহত আমাৰ শিপা শক্তিশালী কৰিছো। বিশেষকৈ বিশাখাপট্টনমলৈ ঘূৰি অহাটো আমাৰ বাবে গৌৰৱৰ বিষয়।

হিন্দুস্থান সমাচাৰ / মনোজ কুমাৰ শইকীয়া