কাৰ্বি আংলঙ,৩১ জুলাই (হি.স.)। বোকাজানৰ ডিলাইত মৰফিন সহ দুজনক আটক। বোকাজানৰ ডিলাই আৰক্ষীৰ নিয়মীয়া তালাছীত জব্দ মৰফিন। নিশা ডিলাই তিনি আলীত ডব্লিউ বি ০২ এজি ৯৬৩২ নম্বৰৰ ডিমাপুৰ দিশৰ পৰা অহা এখন ছুইফট গাড়ীৰ পৰা ২.১২৭ কেজি (দুই কেজি এশ সাতাইশ গ্ৰাম) মৰফিন জব্দ কৰে৷

আৰক্ষীয়ে গাড়ীখনৰ চালক মণিপুৰৰ ইম্ফলৰ মহম্মদ আছুবা আৰু সহযোগী মণিপুৰ থ’বালৰ মহম্মদ মুছাফিৰ হুছেইনক আটক কৰি সোধা পোছা অব্যাহত ৰাখিছে ৷ জব্দকৃত মৰফিনখিনিৰ বজাৰমূল্য আনুমানিক প্ৰায় ৪ কোটি টকা বুলি আৰক্ষী সূত্ৰে প্ৰকাশ।

হিন্দুস্থান সমাচাৰ / প্ৰকাশ ডেকা