নতুন দিল্লী, ৩১ জুলাই (হি.স.)। পঞ্চদশ হকী ইণ্ডিয়া জুনিয়ৰ মহিলা ৰাষ্ট্ৰীয় চেম্পিয়নশ্বিপ ২০২৫ অন্ধ্ৰ প্ৰদেশৰ কাকিনাদাত ১ আগষ্টৰ পৰা ১২ আগষ্টলৈ অনুষ্ঠিত হ’ব।

প্ৰদৰ্শনৰ ভিত্তিত তিনিটা বিভাগত ভাগ কৰা এই চেম্পিয়নশ্বিপত মুঠ ৩০টা দলে অংশগ্ৰহণ কৰিব। ডিভিজন ক আৰু খৰ অন্তিম স্থানত থকা দল ক্ৰমে খ আৰু গ বিভাগলৈ অৱনমিত হোৱাৰ বিপৰীতে খ আৰু গ বিভাগৰ শীৰ্ষ দুটা দল ক্ৰমে ক আৰু খ বিভাগলৈ উন্নীত হ’ব।

ক বিভাগ (শীৰ্ষ পৰ্যায়ৰ প্ৰতিযোগিতা বিভাগ):

দেশৰ শীৰ্ষ ১২টা দলে ডিভিজন কত অংশগ্ৰহণ কৰিব। ইয়াত ডিফেণ্ডিং চেম্পিয়ন হকী ঝাৰখণ্ডক পুল এ, ৰানাৰ্ছ আপ হকী মধ্যপ্ৰদেশক পুল বি, আৰু তৃতীয় স্থানৰ হকী হাৰিয়ানাক পুল চিত স্থান দিয়া হৈছে। ৫ আগষ্টৰ পৰা ক বিভাগৰ মেচ আৰম্ভ হ’ব।

দল আৰু পুলৰ গঠন (ডিভিজন এ):

পুল এঃ হকী ঝাৰখণ্ড, ছত্তীশগড় হকী, হকী কৰ্ণাটক

পুল বিঃ হকী মধ্যপ্ৰদেশ, হকী পঞ্জাৱ, হকী চণ্ডীগড়

পুল চি: হকী হাৰিয়ানা, উত্তৰ প্ৰদেশ হকী, হকী বংগ

পুল ডি: হকী এছ’চিয়েচন অৱ ওড়িশা, হকী মহাৰাষ্ট্ৰ, হকী অন্ধ্ৰ প্ৰদেশ

প্ৰতিটো পুলত ৰাউণ্ড ৰবিন ফৰ্মেটত খেল অনুষ্ঠিত হ’ব। প্ৰতিটো পুলৰ শীৰ্ষ দুটা দলে কোৱাৰ্টাৰ ফাইনেল (৯ আগষ্ট), ছেমি ফাইনেল (১০ আগষ্ট) আৰু ফাইনেল আৰু তৃতীয় স্থানৰ মেচ (১২ আগষ্ট)ত প্ৰৱেশ কৰিব। যিকোনো ক্লাছিফিকেশন মেচত ড্ৰ’ হ’লে এফ আই এইচৰ নিয়ম অনুসৰি শ্বুট আউটৰ জৰিয়তে ফলাফল নিৰ্ণয় কৰা হ’ব।

খ বিভাগ (মধ্যম স্তৰৰ বিভাগ):

ডিভিজন বিত থাকিব কেৱল লীগ মেচ। শীৰ্ষ দুটা দলক ডিভিজন এলৈ উন্নীত কৰাৰ বিপৰীতে শেষৰ দুটা দলক ডিভিজন চিলৈ প্ৰেৰণ কৰা হ’ব। ১ আগষ্টৰ পৰা ৫ আগষ্টলৈ অনুষ্ঠিত হ’ব এই মেচ।

দল আৰু পুলৰ গঠন (বিভাগ খ):

পুল এঃ মণিপুৰ হকী, লে পুডুচেৰী হকী, হকী উত্তৰাখণ্ড, কেৰেলা হকী, অসম হকী

পুল বিঃ হকী হিমাচল, দিল্লী, তামিলনাডুৰ হকী ইউনিট, হকী অৰুণাচল, বিহাৰৰ হকী এছ’চিয়েচন

ডিভিজন চি (এণ্ট্ৰি লেভেল ডিভিজন):

এই বিভাগতো কেৱল লীগ মেচহে অনুষ্ঠিত হ'ব, আৰু শীৰ্ষ দুটা দলক ডিভিজন বিলৈ উন্নীত কৰা হ'ব।১ আগষ্টৰ পৰা ৪ আগষ্টলৈকে মেচ অনুষ্ঠিত হ'ব।

দল আৰু পুলৰ গঠন (ডিভিজন চি):

পুল এ: দাদৰা আৰু নগৰ হাভেলী আৰু দমন আৰু দিউ হকী, জম্মু আৰু কাশ্মীৰ, গোৱা হকী, ত্ৰিপুৰা

পুল বি: হকী গুজৰাট, ৰাজস্থান, হকী মিজোৰাম, তেলেংগানা হকী

সকলো বিভাগতে জয়ৰ বাবে ৩ পইণ্ট, ড্ৰ’ৰ বাবে ১ পইণ্ট আৰু পৰাজয়ৰ বাবে ০ পইণ্ট দিয়া হ’ব।

হকী ইণ্ডিয়াৰ সভাপতি ড০ দিলীপ তিৰ্কিয়ে কয়, চিনিয়ৰ আৰু চাব জুনিয়ৰ ৰাষ্ট্ৰীয় প্ৰতিযোগিতাত নতুন ফৰ্মেট সফলতা লাভ কৰাৰ পিছত এতিয়া ইয়াক জুনিয়ৰ শাখাত কাৰ্যকৰী কৰা হৈছে। আমি নিশ্চিত যে জুনিয়ৰ পৰ্যায়ৰ খেলুৱৈসকলেও এই ফৰ্মেটটো ভাল পাব আৰু ইয়াৰ পৰা তেওঁলোকে ভাল অভিজ্ঞতা লাভ কৰিব।

হকী ইণ্ডিয়াৰ মহাসচিব ভোলানাথ সিঙে কয়, ঘৰুৱা দলসমূহে নতুন ব্যৱস্থাটো অতি সুন্দৰভাৱে গ্ৰহণ কৰিছে। বিভাগ সলনি কৰাৰ সুযোগে দলসমূহৰ উৎসাহ আৰু প্ৰতিযোগিতা বৃদ্ধি কৰিছে। আমি আশা কৰিছো যে জুনিয়ৰ খেলুৱৈসকলেও এই ফৰ্মেটতো উৎকৃষ্ট প্ৰদৰ্শন কৰিব আৰু অভিজ্ঞতাৰ পৰা উপকৃত হ'ব।

হিন্দুস্থান সমাচাৰ / মনোজ কুমাৰ শইকীয়া