নতুন দিল্লী, ১৩ জুলাই (হি.স.)। জিম্বাবুৱেত অনুষ্ঠিত হ’বলগীয়া টি-২০ তিনি কোণীয়া শৃংখলা (ট্ৰাই ছিৰিজ)ৰ বাবে নিউজিলেণ্ড ক্ৰিকেট দলে টি-২০ দলত অন্তৰ্ভুক্ত কৰিছে উইকেটকীপাৰ বেটছমেন ডেভন কনৱেক। ২০২৫ চনৰ মেজৰ লীগ ক্ৰিকেট (এম এল চি)ৰ সময়ত আঘাতৰ বাবে খেলপথাৰৰ পৰা আঁতৰি থকা ফিন এলেনৰ ঠাইত তেওঁ স্থান লাভ কৰিছে।
নিউজিলেণ্ড দলৰ মুখ্য প্ৰশিক্ষক ৰব ৱালটাৰে এক বিবৃতিত কয় যে আমি সঁচাকৈয়ে ফিনৰ বাবে দুখী। তেওঁৰ সৈতে কাম কৰি এম এল চিৰ পৰা তেওঁৰ ভাল প্ৰদৰ্শন অব্যাহত ৰাখিবলৈ মই আগ্ৰহী আছিলো, কিন্তু দুৰ্ভাগ্যজনকভাৱে আঘাতৰ সমস্যাৰ সৃষ্টি হয়। ফিনৰ ঠাইত ডেভনৰ দৰে অভিজ্ঞ খেলুৱৈক দলত অন্তৰ্ভুক্ত কৰিবলৈ পাই আমি সৌভাগ্যৱান।
ইয়াৰ উপৰিও নিউজিলেণ্ডে মাইকেল ব্ৰেচৱেল, মাৰ্ক চেপমেন, গ্লেন ফিলিপছ আৰু ৰাচিন ৰবিন্দ্ৰৰ চতুৰ্থীৰ বাবে অতিৰিক্ত কভাৰ হিচাপে মিচ হে, জিমি নিছাম আৰু টিম ৰবিনছনকো দলত অন্তৰ্ভুক্ত কৰিছে।
কাইলৈ অৰ্থাৎ সোমবাৰৰ পৰা আৰম্ভ হ’ব এই শৃংখলা। ২৬ জুলাইত অনুষ্ঠিত হ’ব এই শৃংখলাৰ অন্তিমখন খেল। ১৬ জুলাইত নিউজিলেণ্ডে দক্ষিণ আফ্ৰিকাৰ বিৰুদ্ধে প্ৰথমখন মেচ খেলিব।
हिन्दुस्थान समाचार / মনোজ কুমাৰ শইকীয়া
