আগন্তুক সময়ত বহু ডাঙৰ ডাঙৰ ছবিৰ ছিকুৱেল দৰ্শকৰ হৃদয় জয় কৰিবলৈ আহি আছে। ইয়াৰে এটা হ’ল- ‘চন অৱ চৰ্দাৰ ২’, যাৰ মুক্তিৰ অনুৰাগীসকলে বহুদিন অপেক্ষা কৰি আছিল। অজয় দেৱগনক আকৌ এবাৰ ছবিখনত মুখ্য চৰিত্ৰত দেখা যাব। ইয়াৰ পূৰ্বে তেওঁৰ ছুপাৰহিট ছবি ‘ৰেইড’ৰ ছিকুৱেল ‘ৰেইড ২’ৰ জৰিয়তে বক্স অফিচত প্ৰচণ্ড প্ৰত্যাৱৰ্তন ঘটিছিল। এতিয়া অজয় দেৱগনে নিজৰ বহু প্ৰত্যাশিত ছবি ‘ছন অৱ চৰ্দাৰ ২’ৰ জৰিয়তে পুনৰবাৰ ডাঙৰ পৰ্দাত বিস্ফোৰণ ঘটাবলৈ সাজু হৈছে। শেহতীয়াকৈ ছবিখনৰ ট্ৰেইলাৰ মুকলি কৰা হৈছে, যিয়ে দৰ্শকৰ পৰা যথেষ্ট সঁহাৰি লাভ কৰিছে।
২০১২ চনত যেতিয়া অজয় দেৱগানে ‘ছন অৱ চৰ্দাৰ’ লৈ আহিছিল, তেতিয়া তেওঁ নিজৰ শক্তিশালী কমিক টাইমিংৰে দৰ্শকক হাঁহিৰে ৰোল কৰি তুলিছিল। এতিয়া আকৌ এবাৰ তেওঁ জছি ৰন্ধাৱাৰ চৰিত্ৰত এক ডাঙৰ প্ৰত্যাৱৰ্তন কৰিছে।
শেহতীয়াকৈ মুক্তি পোৱা ‘ছন অৱ চৰ্দাৰ ২’ৰ ট্ৰেইলাৰত অজয়ে সংযোজন কৰিছে প্ৰচণ্ড কমেডীৰ লগতে বিস্ফোৰক একচনৰ ধমাকা। ট্ৰেইলাৰ চোৱাৰ পিছত স্পষ্ট হৈ পৰিছে যে এই ছিকুৱেলখন প্ৰথম খণ্ডতকৈও ডাঙৰ হিট হ’ব। একে সময়তে মৃণাল ঠাকুৰ আৰু নীৰু বাজৱাৰ উপস্থিতিয়ে ছবিখনক লৈ দৰ্শকৰ উৎসাহ আৰু অধিক বৃদ্ধি কৰিছে। এতিয়া লক্ষ্যণীয় যে এই ছবিখনে ছবিগৃহত কিমান চমক দেখুৱায়।
हिन्दुस्थान समाचार / মনোজ কুমাৰ শইকীয়া
