নতুন দিল্লী, ০৫ জুন (হি.স.)। ইটালীৰ উপ-প্ৰধানমন্ত্ৰীৰ সৈতে সহ-অধ্যক্ষতাত অনুষ্ঠিত হোৱা বৈঠকৰ পূৰ্বে বুধবাৰে কেন্দ্ৰীয় বাণিজ্য আৰু উদ্যোগ মন্ত্ৰী পিয়ুষ গোৱেলে ইটালীৰ কেইবাজনো মুখ্য কাৰ্যবাহী বিষয়াক সাক্ষাৎ কৰে। ইয়াৰ সময়ত তেওঁলোকে ভাৰতৰ উদ্ভাৱন পৰিৱেশ তন্ত্ৰক কেনেকৈ স্থায়ী বৃদ্ধিৰ বাবে সৰ্বোত্তমভাৱে লাভৱান কৰিব পাৰে সেই বিষয়ে আলোচনা কৰে। ফ্ৰান্সত ভাৰত-ফ্ৰান্সৰ অৰ্থনৈতিক সহযোগিতা শক্তিশালী কৰাৰ ওপৰত কেন্দ্ৰিত কাৰ্যকলাপ সমাপ্ত কৰি দুদিনীয়া আনুষ্ঠানিকভাৱে ইটালী ভ্ৰমণলৈ গৈছে গোৱেলে।
কেন্দ্ৰীয় বাণিজ্য মন্ত্ৰীগৰাকীয়ে বৃহস্পতিবাৰে ‘এক্স’ পোষ্টত লিখা অনুসৰি ইটালীৰ উপ-প্ৰধানমন্ত্ৰীৰ সৈতে সহ-অধ্যক্ষতাত অনুষ্ঠিত হোৱা বৈঠকৰ পূৰ্বে মিলানত কেইবাজনো ইটালীৰ ব্যৱসায়িক নেতাক সাক্ষাৎ কৰে। পিযুষ গোৱেলে পোষ্ট কৰে, ইঞ্জিনিয়াৰিং আৰু মেনুফেকচাৰিং টেকন'লজি কোম্পানী পগিপলিনি এছ.পি.এ.ৰ চিইঅ' মিচেল পগিপলিনিক লগ পালোঁ। বিশ্বৰ যোগান শৃংখলত দেশৰ ক্ৰমবৰ্ধমান ভূমিকাক প্ৰতি লক্ষ্য ৰাখি ভাৰতত কোম্পানীটোৰ বাবে প্ৰযুক্তি, উদ্ভাৱন আৰু উৎপাদনৰ সুযোগৰ ওপৰত উৎপাদনশীল আলোচনাত মিলিত হয়।
কাৰিকৰী আৰু চিকিৎসা গেছৰ উৎপাদন, প্ৰয়োগমূলক গৱেষণা আৰু বিপণনৰ ক্ষেত্ৰত ইটালীৰ বহুজাতিক কোম্পানী এছ অ’ এল গ্ৰুপৰ সঞ্চালক প্ৰধান ডেনিয়েল ফৰ্ণীকো সাক্ষাৎ কৰি ভাৰতৰ মূল খণ্ডসমূহত গ্ৰুপটোৱে কেনেদৰে নিজৰ উপস্থিতি আৰু অধিক সম্প্ৰসাৰণ কৰিব পাৰে সেই বিষয়ে আলোচনা কৰে। ইটালীৰ লাইটিং জায়ান্ট আইমুনৰ চিইঅ’ ল’ৰা টাৰ্কিনিঅ’ আৰু তেওঁৰ দলটোক লগ পায় গ’য়ালে। তেওঁ লিখিছে যে স্মাৰ্ট লাইটিং সমাধানৰ বাবে ভাৰতত উপলব্ধ অপৰিসীম বিনিয়োগৰ সুযোগৰ ওপৰত আমি মত বিনিময় কৰিলোঁ।
ইয়াৰ উপৰিও বাণিজ্য মন্ত্ৰীগৰাকীয়ে বাণিজ্যিক শিতল বিশেষজ্ঞ আইপিটিএ গ্ৰুপৰ চিইঅ’ মাৰ্কো নোচিভেলীকো সাক্ষাৎ কৰে। গোৱালৰ মতে, ভাৰতৰ দ্ৰুতগতিত বৃদ্ধি পোৱা খুচুৰা আৰু শীতল শৃংখল খণ্ডৰ সৈতে আমি আলোচনা কৰিলোঁ যে কোম্পানীয়ে কেনেকৈ এই সুযোগৰ লাভ উঠাব পাৰে আৰু ভাৰতত বহনক্ষম শিতল সমাধানত অৰিহণা যোগাব পাৰে। গোৱালে আৰু লিখিছে, “ভাৰতত শক্তিশালী উপস্থিতি থকা এক্সেল আৰু ট্ৰেন্সমিছন চিষ্টেমৰ বিশ্বব্যাপী নিৰ্মাতা কাৰাৰো গ্ৰুপৰ ভাইচ চেয়াৰমেন টমাছ’ কাৰাৰোক লগ পাই ভাল লাগিল।”
ইটালীলৈ দুদিনীয়া আনুষ্ঠানিক ভ্ৰমণলৈ অহা কেন্দ্ৰীয় বাণিজ্য মন্ত্ৰী পিয়ুষ গোৱালে লিখিছে, উপ প্ৰধানমন্ত্ৰী তথা বৈদেশিক পৰিক্ৰমা আৰু আন্তঃৰাষ্ট্ৰীয় সহযোগিতা মন্ত্ৰী মহামহিম এণ্টনিঅ' তাজানীয়ে আয়োজন কৰা এক সুন্দৰ ৰাতিৰ আহাৰ গ্ৰহণ কৰি মই সন্মানিত হৈছো। এখন বিশিষ্ট সমাৱেশত ভাষণ দিয়া আৰু ভাৰত আৰু ইটালীৰ মাজত অৰ্থনৈতিক সম্পৰ্ক গভীৰ কৰাৰ সন্দৰ্ভত অৰ্থপূৰ্ণ আলোচনা কৰাটো এক সৌভাগ্যৰ কথা আছিল ব্ৰেচিয়াৰ পিনাকোটেকা টছিঅ’ মাৰ্টিনেংগো সংগ্ৰহালয়ে সঁচাকৈয়ে সামগ্ৰিক অভিজ্ঞতাক সমৃদ্ধ কৰিলে, পৰিৱেশটোৱে আমাৰ দুয়োখন দেশে গভীৰভাৱে মূল্য দিয়া সাংস্কৃতিক সমৃদ্ধিটোক সুন্দৰভাৱে প্ৰতিফলিত কৰে।
হিন্দুস্থান সমাচাৰ / মনোজ কুমাৰ শইকীয়া
