জাকাৰ্টা, ০৫ জুন (হি.স.)। ইণ্ডোনেছিয়া অ’পেন ২০২৫ত ভাৰতৰ তাৰকা বেডমিণ্টন খেলুৱৈ পি ভি সিন্ধুৰ যাত্ৰাৰ অন্ত পৰিছে। বৃহস্পতিবাৰে প্ৰি-কোৱাৰ্টাৰ ফাইনেলত থাইলেণ্ডৰ পৰ্ণপাৱী চ’চুৱঙৰ হাতত পৰাজিত হয় পি ভি সিন্ধু।

সিন্ধুৱে খেলখন ভালদৰে আৰম্ভ কৰিছিল আৰু প্ৰথমখন খেলত ১০-১৬ ব্যৱধানত পিছ পৰি থকাৰ পিছতো তেওঁ পুনৰ উভতি আহি ২১-১৮ ব্যৱধানত জয়লাভ কৰিছিল। কিন্তু দ্বিতীয়খন খেলত চ’চুৱঙে আক্ৰমণাত্মক খেলি ১০ পইণ্টৰ অগ্ৰগতি লাভ কৰি ২১-১০ ব্যৱধানত খেলখন জয় কৰে।

নিৰ্ণায়ক খেলখনত দুয়োগৰাকী খেলুৱৈয়ে দীৰ্ঘসময় ধৰি সমান হৈ থাকিল যদিও শেষ মুহূৰ্তত চোচুৱঙে অগ্ৰগতি লাভ কৰি ২১-১৮ ব্যৱধানত খেলখন জয় কৰি মেচখন জয় কৰে।

ত্ৰিছা-গায়ত্ৰী যুটিও পৰাস্ত হয়

মহিলা ডাবলছ মেচত ভাৰতৰ ত্ৰিছা জলী আৰু গায়ত্ৰী গোপিচান্দৰ যুটিয়ে জাপানৰ ইউকি ফুকছিমা আৰু ময়ু মাটছুমোটোৰ বিৰুদ্ধে ১৩-২১, ২২-২৪ ব্যৱধানত পৰাস্ত হৈ প্ৰতিযোগিতাখনৰ পৰা বাহিৰ হয়।

পুৰুষৰ ডাবলছত ভাৰতৰ আশা অব্যাহত আছে

ভাৰতৰ প্ৰত্যাহ্বান এতিয়াও টুৰ্ণামেণ্টত বাকী আছে, কিয়নো পুৰুষৰ ডাবলছ শাখাত সাতৱিকচৈৰাজ ৰেংকিৰেডী আৰু চিৰাগ শ্বেট্টীৰ যুটিয়ে আজিৰ পিছত নিজৰ মেচ খেলিব।

হিন্দুস্থান সমাচাৰ / মনোজ কুমাৰ শইকীয়া