লছ এঞ্জেলছ, ০৯ মে’ (হি.স.)। লছ এঞ্জেলছ মেম’ৰিয়েল কলিজিয়াম আৰু ইংলিউডৰ ছ’ফি ষ্টেডিয়ামত ২০২৮ চনৰ অলিম্পিক আৰু পেৰালিম্পিক গেমছৰ মুকলি আৰু সামৰণি অনুষ্ঠান অনুষ্ঠিত হ’ব। বৃহস্পতিবাৰে এই ঘোষণা কৰে এল এ ২৮ৰ আয়োজকসকলে।

দুখন ষ্টেডিয়ামত অনুষ্ঠিত হ’ব অলিম্পিকৰ মুকলি সভা

২০২৮ চনৰ ১৪ জুলাইত অনুষ্ঠিত হ’বলগীয়া অলিম্পিক মুকলি অনুষ্ঠানত প্ৰথমবাৰৰ বাবে দুটা স্থান ভাগ কৰা হ’ব – ঐতিহাসিক কলিজিয়াম আৰু আধুনিক ছ’ফি ষ্টেডিয়াম। কলিজিয়াম অলিম্পিকৰ ইতিহাসত তিনিবাৰকৈ গেমছ আয়োজন কৰা প্ৰথমটো স্থান হিচাপে পৰিগণিত হ’ব।

এল এৰ ঐতিহ্য আৰু ভৱিষ্যত একত্ৰিত হ’ব

এল এ ২৮ৰ অধ্যক্ষ তথা সভাপতি কেছি ৱাছাৰমেনে এক বিবৃতিত কয় যে, ‘দুয়োটা স্থানেই লছ এঞ্জেলছৰ ক্ৰীড়া ঐতিহ্য আৰু প্ৰযুক্তিগত উন্নতিৰ প্ৰতীক।এই অভিজ্ঞতা সমগ্ৰ বিশ্বৰ দৰ্শকৰ বাবে অবিস্মৰণীয় হ’ব।

পেৰালিম্পিকৰ বিশেষ অনুষ্ঠান কলিজিয়ামত সামৰণি অনুষ্ঠান

৩০ জুলাইত কলিজিয়ামত অনুষ্ঠিত হ’ব অলিম্পিকৰ সামৰণি অনুষ্ঠান, যিটোক আয়োজকসকলে “অবিস্মৰণীয় উদযাপন” বুলি অভিহিত কৰিছে।

১৫ আগষ্টত ছ’ফি ষ্টেডিয়ামত অনুষ্ঠিত হ’বলগীয়া পেৰালিম্পিকৰ মুকলি অনুষ্ঠানৰ বিপৰীতে ২৭ আগষ্টত কলিজিয়ামত অনুষ্ঠিত হ’ব সামৰণি অনুষ্ঠান।

তৃতীয়বাৰৰ বাবে অলিম্পিক আৰু প্ৰথমবাৰৰ বাবে পেৰালিম্পিক আয়োজন কৰিব এল এয়ে

ইয়াৰ পূৰ্বে ১৯৩২ আৰু ১৯৮৪ চনত লছ এঞ্জেলছত অলিম্পিক অনুষ্ঠিত হৈছিল।কিন্তু ২০২৮ চনত প্ৰথমবাৰৰ বাবে চহৰখনত পেৰালিম্পিক গেমছও অনুষ্ঠিত হ’ব।

আয়োজকসকলে কয় যে, “পেৰালিম্পিকৰ সামৰণি অনুষ্ঠানটোৱেই হ’ব এল এ ২৮ গেমছৰ চূড়ান্ত স্মৰণীয় আলোকপাত, যিয়ে অলিম্পিক আৰু পেৰালিম্পিক আন্দোলনক লছ এঞ্জেলছৰ সৈতে স্থায়ীভাৱে সংযোগ কৰিব।”

লং বিচ আৰু হলিউডতো অনুষ্ঠান অনুষ্ঠিত হ’ব

যোৱা মাহত এল এ ২৮য়ে আন কেইটামান স্থানো ঘোষণা কৰিছিল। লং বিচৰ আলামিটছ বিচত বিচ ভলীবল প্ৰতিযোগিতা অনুষ্ঠিত হ’ব, আনহাতে হলিউডৰ ইউনিভাৰ্চেল ষ্টুডিঅ’ত স্কোয়াছে অলিম্পিকত অভিষেক ঘটাব।

हिन्दुस्थान समाचार / মনোজ কুমাৰ শইকীয়া