এইকেইদিন অজয় দেৱগনে শেহতীয়াকৈ মুক্তি পোৱা ছবি ‘ৰেইড ২’ৰ প্ৰচণ্ড সফলতা উদযাপন কৰিছে। ১ মে’ত মুক্তি পোৱা ছবিখনে প্ৰথম দিনাৰ পৰাই বক্স অফিচত ভাল প্ৰদৰ্শন কৰি আহিছে আৰু এতিয়া ব্লকবাষ্টাৰ হিচাপে ঘোষণা কৰা হৈছে। ‘ৰেড ২’ক লৈ দৰ্শকৰ মাজত প্ৰচণ্ড উৎসাহ আৰু ছবিখনৰ উপাৰ্জন দ্ৰুতগতিত ১০০ কোটি টকাৰ পৰিসংখ্যাৰ দিশে আগবাঢ়িছে। ছবিখনৰ যাদু অষ্টম দিনতো অক্ষত অৱস্থাত থাকিল।
বক্স অফিচৰ ট্ৰেকাৰ সাকনিলকৰ মতে, ‘ৰেড ২’ মুক্তিৰ অষ্টম দিন অৰ্থাৎ প্ৰথম বৃহস্পতিবাৰে ভাল প্ৰদৰ্শন কৰি প্ৰায় ৫.১৫ কোটি টকা উপাৰ্জন কৰিছে। ইয়াৰ লগে লগে ছবিখনৰ মুঠ ঘৰুৱা সংগ্ৰহ ৯৫.৬৫ কোটি টকা হৈছেগৈ। কেৱল ভাৰততে নহয়, আন্তঃৰাষ্ট্ৰীয় পৰ্যায়তো ‘ৰেড ২’ই আলোড়নৰ সৃষ্টি কৰিছে। এই ছবিখনে এই পৰ্যন্ত বিশ্বব্যাপী বক্স অফিচত ১২০ কোটি টকাৰ ওপৰত উপাৰ্জন কৰিছে। এই গতিলৈ চাই ক’লে ভুল নহ’ব যে এই মুহূৰ্তত ‘ৰেড ২’ বক্স অফিচৰ পৰা ওলাই যোৱাটো কঠিন যেন লাগে।
প্ৰবীণ পৰিচালক ৰাজ কুমাৰ গুপ্তাই পৰিচালনা কৰা ‘ৰেইড ২’ ছবিখনৰ প্ৰযোজক হৈছে ভূষণ কুমাৰ। এই শক্তিশালী থ্ৰিলাৰখনত বাণী কাপুৰক অজয় দেৱগানৰ বিপৰীতে পত্নীৰ চৰিত্ৰত দেখা গৈছে। ছবিখনত ৰিতেশ দেশমুখে খলনায়ক দাদা ভাইৰ চৰিত্ৰত অভিনয় কৰিছে। ইয়াৰ উপৰিও ৰজত কাপুৰ, সৌৰভ শুক্লা, সুপ্ৰিয়া পাঠক, অমিত ছিয়ালৰ দৰে প্ৰতিভাৱান অভিনেতাইও নিজৰ উৎকৃষ্ট অভিনয়েৰে ছবিখনক জীৱন কঢ়িয়াই আনিছে। ২০১৮ চনৰ ছুপাৰহিট ছবি ‘ৰেইড’ৰ ছিকুৱেল ‘ৰেইড ২’। মূল ছবিখন এতিয়া জিঅ’ চিনেমা আৰু হটষ্টাৰত ষ্ট্ৰীম কৰিব পাৰিব।
हिन्दुस्थान समाचार / মনোজ কুমাৰ শইকীয়া
