কামৰূপ, ০৪ এপ্ৰিল (হি.স.): ঋতু কলিতাক লৈ যোৱাকালি সন্ধিয়া পুনৰ মুখ খুলিলে কণ্ঠশিল্পী ভৃগু কাশ্যপে। তেওঁ কয় যে বাক্ স্বাধীনতা সকলোৰে আছে কিন্তু ঋতু কলিতাই শিল্পী সমাজক অশালীন মন্তব্য কৰাক লৈ শিল্পী সমাজ জাঙুৰ খাই উঠিছিল। এই সন্দৰ্ভত শিল্পী সমাজে দিছপুৰ থানাত গোচৰ তৰাৰ পিছত এতিয়া সমগ্ৰ ঘটনা আইনৰ আওঁতাত আছে।

আনহাতে বংগৰ শিল্পী মৰ্মিতা মিত্ৰক লৈয়ো বিশেষ মন্তব্য কৰে ভৃগু কাশ্যপে। পূৰ্বে মৰ্মিতা মিত্ৰৰ বিৰোধিতা কৰা ভৃগু কাশ্যপে এইবাৰ ৰঙালী বিহুৰ অনুষ্ঠানলৈ মৰ্মিতা মিত্ৰক স্বাগতম জনালে ভৃগু কাশ্যপে। অনাগত দিনত অসমৰ ৰাইজক ভাল ভাল অসমীয়া গীত উপহাৰ দিবলৈ আহ্বান জনালে ভৃগু কাশ্যপে।

হিন্দুস্থান সমাচাৰ / কিশোৰ মিশ্ৰ