ওদালগুৰি, ০৩ এপ্ৰিল (হি.স.)। ওদালগুৰি জিলা মাজবাটৰ পাঁচনৈ খুটিত শ্ৰী মদ ভাগৱত মহাপুৰাণ সপ্তাহ জ্ঞান মহাযজ্ঞ আৰু ভাগৱত প্ৰবচনৰ আয়োজন কৰা হৈছে। মাজবাটৰ পাঁচনৈ খুটি গাঁৱত অহা ৫ এপ্ৰিল তাৰিখৰ পৰা ১২ এপ্ৰিল তাৰিখলৈ সাত দিনিয়া কাৰ্যসূচীৰে শ্ৰীমদ ভাগৱত মহাপুৰাণ সপ্তাহ জ্ঞান মহাযজ্ঞ আৰু ভাগৱত প্ৰবচনৰ আয়োজন কৰা হৈছে বুলি পাঁচনৈ খুটি গাঁৱৰ ধৰ্মপ্ৰাণ ব্যক্তি দধিৰাম সৈন্ন্যাসীয়ে সাংবাদিকক জানিবলৈ দিয়ে।
উক্ত কাৰ্যসূচীত বিশেষ আকৰ্ষণীয় কাৰ্যক্ৰম হৈছে ৬ এপ্ৰিলত শুকদেৱ মুনি আৰু ৰজা পৰিক্ষিতৰ সংযোগ মিলন। ৭ এপ্ৰিলত মহাদেৱ আৰু সতীৰ চৰিত্ৰ। ৮ এপ্ৰিলত ধ্ৰুৱ আৰু প্ৰহ্লাদৰ চৰিত্ৰ। ৯ এপ্ৰিলত কৃষ্ণৰ জন্ম আৰু নন্দ উৎসৱ। ১০ এপ্ৰিলত শ্ৰী কৃষ্ণৰ মাখন চোৰ আৰু ৰাস লীলা। ১১ এপ্ৰিলত ৰুক্মিণীৰ বিবাহ ও কংস বধ। ১২ এপ্ৰিলত সুদামাৰ চৰিত্ৰ ও শুকদেৱ মুনিৰ বিদায়। এই ভাগৱত মহাপুৰাণ সপ্তাহত অসমৰ বিভিন্ন জিলাৰ লগতে নেপাল , ভূটান, অৰুণাচল, মেঘালয়,মনিপুৰ আদিৰ পৰা ভক্ত সকলৰ আগমন হ'ব জনা যায়। এই সাত দিনিয়া কাৰ্যসূচীত মাজবাট বাসী ৰাইজৰ সহায় সহযোগ আৰু উপস্থিতি কামনা কৰে উৎযাপন সমিতিৰ আহ্বাহক চন্দ্ৰলাল সৈন্ন্যাসী আৰু লোক নাথ সৈন্ন্যাসীয়ে ।
---------------
হিন্দুস্থান সমাচাৰ / নিৰ্মলেন্দু
04 Apr 2025