ধুবুৰী, ০৩ এপ্ৰিল (হি.স.)। ধুবুৰীত অঘটন । বিজ্ঞাপনৰ হৰ্ডিং লগাওঁতে বিদ্যুৎপৃষ্ট হৈ ওপৰৰ পৰা ছিটিকি পৰিল ৰখাই থোৱা এল্টো বাহনৰ ওপৰত। আহত শ্ৰমিক জনক সংকটজনক অৱস্থাত ধুবুৰী চিলাৰায় হস্পিতালত ভৰ্তি।

আহত শ্ৰমিক জনক অভয়াপুৰীৰ বিপুলমণ্ডল (৩০) বুলি জানিব পৰা গৈছে। কচমো বজাৰৰ বিজ্ঞাপনৰ হর্ডিং লগাবলৈ পোষ্টৰ ওপৰত উঠিছিল শ্ৰমিক জন। ১১০০০ হেজাৰ ভ'ল্টৰ বিদ্যুতৰ তাৰত লাগি বিদ্যুৎপৃষ্ঠ হৈ এখন এল্টো বাহনত ছিটিকি পৰে । শ্ৰমিক জনৰ অৱস্থা সংকটজনক হোৱাত ততাতৈয়াকৈ যুৱক জনক নিয়া হয় চিকিৎসালয় লৈ।বৰ্তমানে চিকিৎসালয়ত জীৱন মৃত্যুৰে যুঁজিছে শ্ৰমিক জন। ঘটনা সন্দৰ্ভত ধুবুৰী আৰক্ষীয়ে তদন্ত অব্যাহত ৰাখিছে।

হিন্দুস্থান সমাচাৰ / কিশোৰ মিশ্ৰ