পশ্চিম কাৰ্বি আংলং, ০৩ এপ্ৰিল (হি.স.): পশ্চিম কাৰ্বি আংলং জিলা সাহিত্য সভাৰ প্ৰথমখন কাৰ্যনিৰ্বাহক সভা তৰাডুবি শাখা সাহিত্য সভাৰ আতিথ্যত বৃহত্তৰ তৰাডুবি ক্ৰীড়া প্ৰেক্ষাগৃহত আজি সামৰণি পৰে ৷ সভাত সভাপতিত্ব কৰে জিলা সাহিত্য সভাৰ সভাপতি বিষ্ণু নিৰোলাই ৷ জিলা সাহিত্য সভাৰ সম্পাদক নিৰলা ইংহিপীয়ে আঁতধৰা সভাত আদৰণি ভাষণ প্ৰদান কৰে আয়োজক সমিতিৰ হৈ তৰাডুবি শাখা সাহিত্য সভাৰ সভাপতি জেমচ তিমুঙে ৷

সম্পাদক নিৰলা ইংহিপীয়ে উদ্দেশ্য ব্যাখ্যা কৰা সভাখনত অঞ্চলটোৰ সাহিত্যৰ কাণ্ডাৰী সকলৰ বিয়োগত সভাই গভীৰ দুখ প্ৰকাশ কৰে আৰু মৃতকৰ পৰিয়াল বৰ্গলৈ সমবেদনা জ্ঞাপন কৰে ৷ সভাত পশ্চিম কাৰ্বি আংলং জিলা সাহিত্য সভাই চলিত ২০২৫ বৰ্ষটোত জিলাখনৰ অন্তৰ্গত কোনটো শাখাত কি অনুষ্ঠান অনুষ্ঠিত কৰিব সেই বিষয়ৰ ওপৰত তৈয়াৰ কৰি অনা বছেৰেকীয়া কাৰ্যক্ৰমণিকাখন সম্পাদক নিৰলা ইংহিপীয়ে সভাত উপস্হাপন কৰে আৰু সভাই কিছু সালসলনি কৰি অনুমোদন দিয়ে ৷ বছেৰেকীয়া কাৰ্যক্ৰমণিকা অনুসৰি ১৫ এপ্ৰিলত বিহুৰ উপলক্ষে ওলগনি ( নিজৰ দিন ) প্ৰত্যেক শাখাই নিজাববীয়াকৈ পালন কৰিব লাগিব ৷

সেই অনুসৰি ২১ এপ্ৰিলত পদ্মনাথ গোহাঞিবৰুৱাৰ স্মৃতি দিৱসটো হাৱাইপুৰ শাখাক পালন কৰিবলৈ দায়িত্ব অৰ্পণ কৰে ৷ ৫ জুনত বিশ্ব পৰিৱেশ দিৱসটো ডংকামোকাম শাখাক পালন কৰিবলৈ দ্বায়িত্ব অৰ্পণ কৰে ৷ ২০ জুনত ৰাভা দিৱসটো খেৰণি শাখাক উদযাপন কৰিবলৈ দায়িত্ব অৰ্পণ কৰে ৷ ১২ আগষ্টৰ আন্তজাৰ্তিক যুৱ দিৱসটো হামৰেণ শাখাক পালন কৰিবলৈ দায়িত্ব অৰ্পণ কৰে ৷ ৮ ছেপ্তেম্বৰৰ ড° ভুপেন হাজৰিকাৰ জন্ম জয়ন্তী শতবৰ্ষটো তৰাডুবি শাখাক উদযাপন কৰিবলৈ দ্বায়িত্ব অৰ্পণ কৰা হৈছে ৷ ১৪ অক্টোবৰৰ লক্ষ্মীনাথ বেজবৰুৱাৰ জন্ম জয়ন্তী অনুষ্ঠানটো টুম্প্ৰেং কপিলীপৰীয়া শাখাক উদযাপন কৰিবলৈ দায়িত্ব অৰ্পণ কৰা হৈছে ৷ ৫ নৱেম্বৰত ড° ভুপেন হাজৰিকাৰ মৃত্যু দিৱসটো বৈঠালাংছ’ শাখাক পালন কৰিবলৈ দ্বায়িত্ব অৰ্পণ কৰে ৷ ২৭ ডিচেম্বৰৰ অসম সাহিত্য সভাৰ প্ৰতিষ্ঠা দিৱসটো ৰূপাতচিঠি শাখাক পালন কৰিবলৈ দায়িত্ব অৰ্পণ কৰা হৈছে ৷ ১৭ জানুৱাৰীৰ জ্যোতি দিৱসটো লংজাপ শাখাক পালন কৰিবলৈ দায়িত্ব অৰ্পণ কৰিছে ৷ বহুভাষিক কবি সন্মিলন অনুষ্ঠানটো ডালিমবাৰী শাখাক পালন কৰিবলৈ দায়িত্ব অৰ্পণ কৰে ৷

ইফালে জনগোষ্ঠীয় লোকসংগীতৰ আলোচনা চক্ৰ অনুষ্ঠিত কৰিবলৈ ভকচং শাখাক দ্বায়িত্ব অৰ্পণ কৰে ৷ আকাশ অনুষ্ঠানটো ঘিলানী শাখাক পালন কৰিবলৈ দায়িত্ব অৰ্পণ কৰে ৷ আজীৱন সভ্য সমাৰোহ আৰু কাৰ্যনিৰ্বাহক সভা তামোলবাৰী শাখাক অনুষ্ঠিত কৰিবলৈ দায়িত্ব অৰ্পণ কৰা হৈছে ৷ আৰু জনকৃষ্টিৰ অন্বেষণত প্ৰান্তে প্ৰান্তে অনুষ্ঠিত কৰিবলৈ জিলা সাহিত্য সভাই সিদ্ধান্ত গ্ৰহণ কৰা হৈছে ৷ ইয়াৰ পাছতে সভাই পশ্চিম কাৰ্বি আংলং জিলা সাহিত্য সভাৰ কাৰ্যনিৰ্বাহক সভাখন প্ৰতি তিনিমাহৰ মুৰে মুৰে অনুষ্ঠিত কৰাৰ বাবে সিদ্ধান্ত গ্ৰহণ কৰি প্ৰস্তাৱ গৃহীত কৰা হৈছে ৷ জিলা সাহিত্য সভাৰ দ্বিতীয়খন কাৰ্যনিৰ্বাহক সভা জুলাই মাহত অনুষ্ঠিত কৰাৰ বাবে সিদ্ধান্ত গ্ৰহণ কৰা হৈছে ৷ সভাত পশ্চিম কাৰ্বি আংলং জিলা সাহিত্য সভাৰ আহ্বায়কসহ উপ—সমিতি কেইখন গঠন কৰা হৈছে ৷ আকাশ উপ—সমিতিৰ আহ্বায়ক কল্পনা দেৱী , কুঁহি উপ—সমিতিৰ আহ্বায়ক ভাগ্যদেৱী বেপী , ৰামধেনু উপ—সমিতিৰ আহ্বায়ক যাদৱ বৰা আৰু কবি সন্মিলনৰ উপ—সমিতিৰ আহ্বায়ক কুমুদ নাথক সভাই বাচনি কৰি নিযুক্তি দিয়ে ৷ সভাত অসম সাহিত্য সভাৰ সপ্তসপ্ততিতম দ্বি—বাৰ্ষিক বজালীৰ অন্তৰ্গত পাঠশালা অধিৱেশনৰ বিষয়ে ব্যাখ্যা দাঙি ধৰে মিনাৰাম বৰাই ৷ সভাত আজীৱন সভ্য বিষয়ে আলোচনা , শাখা বছেৰেকীয়া পঞ্জীয়নৰ ব্যৱস্থা আৰু ইয়াৰ দায়িত্ব অৰ্পণ ৷ ( নতুন শাখা ) গঠনৰ বিষয়ে আলোচনা কৰা হয় ৷

হিন্দুস্থান সমাচাৰ / কিশোৰ মিশ্ৰ